Хоёр Хаад үүргээ гүйцэтгэх ёстой

Мэдээллийг үргэлжлүүлье. Дотоодын Дээд Их Багш, Цаглашгүй Дээд Их Багш тэр хоёр Хаан хэн болохыг тогтоосон. Би ч Тэдний хэн гэдгийг хэдийн мэдэж байсан. Гэхдээ Европ дахь Хаадын нэг нь энх тайвны багцыг нуусан байж. Энэ бол баглаа боодолтой юм биш, энхийн гэрээний багц. Өөрөөр хэлбэл шаардлагатай бүрдэл хэсэг юм. Зүгээр л багц, бүрдэл, шаардлагатай зүйлс... Бурхан минь, би үүнийг яаж тайлбарлахаа мэдэхгүй байна. За, түр зуур үүнийг энх тайвныг үр дүнтэй, бодитой болгох нууц томьёолол гэж нэрлэе дээ.

Бид бодит бус зүйлийн тухай ярьж байгааг санаарай. Энэ бол дотоодын, оюун санааны ертөнцөд байдаг хийсвэр зүйл. Эдгээр нь хийсвэр зүйл л дээ. Тиймээс зүгээр л “томьёолол” гэж нэрлэе. Гэхдээ энэ томьёоллын бүрдэл хэсгүүдийг нэгтгэвэл тэр нь эрч хүч, энх тайвны эрч хүч, урам зоригийг бий болгон, санаа тавьж буй хүмүүсийн ухамсрыг дээшлүүлж, тэдэнд илүү хурц тодорхой сэтгэх боломж олгон, энх тайвны хэлэлцээр илүү хурдан бөгөөд хялбар хийгдэнэ.

Одоогоор өмнө дурдсан хоёр Хааны нэг нь болох энэ Хаанд энэхүү нууц томьёолол бий. Учир нь холбогдох энхийн гэрээнд үүнийг шилжүүлэхээс гадна дотооддоо энхийн гэрээг хэрэгжүүлэхэд туслах нь Түүний үүрэг юм. Гэвч Тэр үүнийг нуун дарагдуулсан. Учир нь Тэр үүнд оролцож, энх тайвныг тогтоовол Түүний зарим нууц үйлийн үр олонд ил болох юм уу бүр ихээхэн илчлэгдэнэ гэж санаа зовоо биз. Даанч энэ шударга бус байна. Хэрэв бидэнд хийх ажил байгаа бол тэр тусмаа бүх дэлхийн, бүх гарагийн аюулгүй байдлын төлөө хийх ёстой. Гэхдээ Түүний улс дайн болж буй газраас хол байдаг учраас Тэр тийм ч их санаа зовдоггүй байх. Гэсэн хэдий ч хэрэв өөрт тань итгэмжилсэн зүйлийг хийх үүрэгтэй бол, таны хийх боломжтой зүйл бол хийх л ёстой.

Гол нь хэрэв та буруу зүйл хийсэн бол, эсвэл таны маш их хайртай, танд маш чухал гэр бүлийн гишүүн тань буруу зүйл хийсэн бол тэрхүү гэр бүлийн гишүүнээ хамгаалах нь хүний ​​мөн чанар л даа. Хамгийн гол нь олон хүн Дэлхий дээр байр суурь, үүрэг хариуцлагатай байдаг ч тэд бас Диваажингаас ирсэн байдаг. Тиймээс Диваажинд тэдэнд ийм төрлийн ажил, ийм үүрэг даалгавар өгсөн бөгөөд үүнийг цаг тухайд нь хийх ёстой. Гэвч цаг нь ирэхэд тэдэнд юм уу гэр бүлийнхэнд нь өөр зүйл тохиолдож, эсвэл хийх ёсгүй зүйлийг хийсэн байдаг. Тиймээс энэ хүн ирэхгүй бол, эсвэл энхийн бүлэгт энхийн хэлэлцээ хийх нууц томьёоллыг өгөх хүсэлгүй байвал энх тайван хойшлогдоно. Тиймээс энх тайван хэсэг зуур хойшлогджээ.

Би энэ хоёр Хаантай ярилцсан гэдэг нь би Тэдний ордонд очиж, Тэдэнтэй ярилцсан гэсэн үг биш юм. Бид дотооддоо сүнслэг байдлаар ярилцсан. Харин нэг Хааных нь хувьд би Түүнийг энхийн хэлэлцээрт туслуулахад хүргэхээр хичээсээр л байна. Харин нөгөө Хаан нь гаднаасаа дайныг илүүтэй дэмжиж байгаа мэт боловч тэр бол гаднаас харагдах байдал юм. Жишээлбэл: Тэд энх тайвны төлөө байхын оронд илүү том зэвсэг илгээх, дайныг дэмжин илүү их мөнгө өгөх гэх мэт илүү дайчин зан гаргаж, материаллаг зүйлсийг бэхжүүлэн, дайныг үргэлжлүүлэхийг зөвшөөрсөн.

Эдгээр Хаадын нэрийг би задруулахгүй байсан ч Тэд мэднэ. Гэхдээ бас мэдэхгүй ч байж магадгүй юм. Материаллаг зүйл биш гэдгийг л хэлэх гэсэн юм. Энэ бол далд ухамсар, оюун ухаан, үйлийн үртэй холбоотой зүйл бөгөөд үүнийг энгийн хүн ойлгоно гэдэг тэр бүр амаргүй.

Гэсэн хэдий ч дайн, энх тайвны асуудалд оролцох нь миний хувьд аюултай. Одоо би хоёр Хааны тухай ярьж хэлж байхдаа нэрсийг нь дурдаагүй ч миний аюулгүй байдалд улам их эрсдэлтэй гэдгийг та нар мэдэж байгаа. Миний аюулгүй байдал одоо бүр эрсдэлтэй байна. Гэхдээ санаа зовох хэрэггүй. Би хийхийг хүссэнээ хийх л ёстой. Би нүдээ тас аниад дэлхийн хүмүүст энэ нөхцөл байдлын талаар тайлбарлахгүй байж чадахгүй. Магадгүй миний ярианаас энэ хоёр Хаан бодит түвшинд сэрэх байх. Би үүнийг дэлхийн хэлээр хэлж байгаа болохоор дэлхийн хүмүүс ямар нэг байдлаар ямар нэг зүйлийн талаар, ядаж зарим нөхцөл байдлын талаар мэдэж, Бурханаас тусламж гуйн, залбирч магадгүй юм. Би ингэж л найдаж байна. Бас өөр зүйл хийж чадах бол мэдээж би хийх гэж оролдож байгаа. Би үргэлж хийхийг хичээдэг.

Өө, би зарим Дээд Төрөлтнүүд болон Ертөнцийн зарим Хаадтай уулзах үеэрээ үе үе асааж, унтрааж бичлэг хийж чадаж байгаадаа баяртай байна. Зарим мэдээлэл үе үе Үнэнийг агуулагч Хаан гэх мэт өөр Хаант улсаас ирдэг. Энэ нь Тэрээр дэлхийн үйл хэрэг, олон улсын нөхцөл байдал, дайн ба энх тайвантай холбоотой бүх үнэнийг хадгалах үүрэгтэй гэсэн үг юм. Тиймээс би Түүнээс бас асуух ёстой. Ганц хоёр удаа ч биш. Жишээлбэл: Аль нэг улсын Хаан их эрх мэдэлтэй байсан ч Түүний төлөө ажиллах нарийн бичгийн дарга хэрэгтэй, Түүнийг хамгаалж, улс орныг нь хамгаалахад Түүний арми хэрэгтэй. Шүүх танхимд зарцуулах, мөн Өөрийнхөө амьдралд, гэр бүл мэтдээ зарцуулах мөнгөө цуглуулахад нь Түүнд татварын алба хэрэгтэй.

Үүнтэй адилаар Ертөнцийн зохицуулалтад, Ертөнцийн хэргийг явуулахад олон Хаан, олон Бурхан, Дарь Эхүүд болон олон Сахиус өөр өөр үүрэгтэй байдаг. Маш том шатлан захирах тогтолцоо. Хаан ганцаараа хийж чадахгүй. Оройн Дээд Их Эзэн Бурхан тийм учраас Цаглашгүй Дээд Их Багшид туслуулж, Бурханы Тааллыг гүйцэлдүүлэхээр дэлхий рүү Их Багш нарыг, бусад Гэгээнтэн Мэргэд, Диваажингийн Ажилтнуудыг илгээсэн. Учир нь хүн бодит бие махбодтой тул үүнийг нь дагаад сайн муу бүхий л чанар байдаг. Тиймээс мэдээж Бурхан бодит бие махбодтой, хүмүүсийг ойлгох нэгнийг илгээх ёстой болдог. Үгүй бол хүмүүс юу ч ойлгож чадахгүй. Тэд ойлголт тун багатай. Тиймээс Бурхан тэдэнтэй ярихад тэд ойлгодоггүй. Бурханд залбираад л байдаг ч Бурханы юу гэж хэлж байгааг сонсдоггүй. Тэр л асуудал.

Тэгэхээр нууц томьёоллыг нууж байгаа Хааны тухайд гэвэл тэрхүү мэдээллийг би Үнэнийг агуулагч Хаанаас авсан. Өөрөөр хэлбэл тэрхүү агуулахад болох учиртай бүхэн, хэдийнээ болсон бүхэн хадгалагддаг тул тэндээс хэдийд ч ухаж гаргаад шалгах боломжтой. Яг л Акашийн бүртгэлийн номын сан шиг гэж хэлж болно. Нэг хүний өнгөрсөн, одоо, ирээдүйг мэдэхийг хүсвэл тэрхүү номын санд очоод мэдээллийг нь ухаад гаргах боломжтой. Хүн бүрд хийсэн зүйлийг нь бүртгэдэг нэг дэвтэр бий. Тэр нь ихэвчлэн өнгөрсөнд болон урд төрлүүддээ хийсэн зүйлийг нь бүртгэдэг. Ирээдүй өөрчлөгдөх боломжтой тул тэнд нь мэдээлэл маш бага байдаг. Өнгөрсөн ба одоог нь зохих ёсоор бүртгэдэг. Амьдралын тань хором мөч бүрийг тасралтгүй бүртгэж байдаг. Юуг ч үлдээдэггүй. Харин

ирээдүйг бол өөрчлөх боломжтой. Тийм учраас ямар нэг муу юм хийсэн бол эрс өөрчлөгдөн, гэмээ наманчилж, залруулаарай. Дайны удирдагчид мөн адил зүрх сэтгэлээ өөрчилж, үнэхээр гэмээ наманчлан, бусдад ихээхэн зовлон учруулсан тэрхүү үйлдэлдээ харамсаж байвал өөрчлөгдөх боломжтой. Засаж залруулах боломж бий. Хийснийхээ эсрэг зүйлийг аль чадлаараа хийж, залруулан, өдөр бүр гэмээ наманчилж болно. Боломжтой хором мөч бүхэндээ Бурханаас өршөөл эрэн, мөн зовлон учруулсан хохирогсдоосоо уучлал гуйгаарай. Тэгээд үнэхээр чин сэтгэлтэй байвал Бурхан өршөөнө. Тэгвэл төлөх үйлийн үр тань багасах байх. Тэгэлгүй хор хөнөөлтэй зам мөрөө үргэлжлүүлбэл та хэзээ ч тамаас гарч чадахгүй.

Таны зөв буруу эсэхээс үл хамааран хүний аминд хүрнэ гэдэг бол үйлдэж болох хамгийн аймшигтай нүгэл. Үнэхээр зөв шалтгаан нь байвал магадгүй тамд бага зовох юм уу богино хугацаагаар зовох байх. Харин ямар ч шалтгаан байхгүй бол, хүмүүс, хүүхдүүд, эмэгтэйчүүд, ахмад настан, эрэгтэйчүүд зэргийг ямар ч шалтгаангүй хороовол Бурхан минь хэн ч танд тусалж чадахгүй. Тиймээс үүнийг зогсоогоорой. Эрс өөрчлөгд, гэм нүглээ чин сэтгэлээсээ наманчил, гэмш, аль чадлаараа залруулахыг хичээ. Оройн Дээд Эзэн Бурханаас, хохирогсдоос нь, бүх хүн төрөлхтнөөс өршөөл эр. Тэгвэл танд ариусаж, уучлагдах боломж бий. Эсвэл хөнгөн, маш хөнгөн тамын-үйлийн үрийн шийтгэл авна.

Хүний өнцгөөс харахад хүртэл энэ хоёр Хаан ажлаа хийж, гарч ирэх хэрэгтэй байна. Өө үгүй ээ, бодит оршихуйд ил тодоор гэх гээгүй юм шүү. Та хоёр гарч ирээд ажлаа зүй ёсоор хий. Одоо бүх хүн мэддэг боллоо, хүмүүсийн сүнс мэдлээ, Та хоёрыг мэддэг боллоо. Дотооддоо тэд Та хоёрыг мэдэж байгаа. Сүнс нь мэдэж байгаа. Ухамсар нь мэдэж байгаа. Далд ухамсар нь мэдэж байгаа. Тиймээс Та хоёр ажлаа хийсэн нь дээр дээ. Үгүй бол ч. Учир нь дотоод ертөнцөд бурууг үйлдсэн нэгэнд Ертөнцийн Хууль хэзээ ч тэгж их зөөлөн ханддаггүй. Дотоод ертөнц Та хоёрт, Та хоёрын сүнсэнд илүү тодорхой, ойлгомжтой байх учиртай. Тиймээс ажлаа хий.

Та хоёртой зүгээр ярихаас илүү зүйл хийхэд намайг бүү хүргэ. Та хоёр мэдэж байгаа. Би зүгээр ч нэг Будда биш. Би бас Дайчин Удирдагчийн үүрэгтэй. Ямар нэг зүйл хийх шаардлага гарвал би хийхээс өөр аргагүй. Тиймээс одоо энх тайвны талд орж, Бурханы Тааллыг даган, үүргээ гүйцэтгэхийг хүсье. Өршөөнгүй хандах цаг хэдийнээ удаан үргэлжилж байгаа ч би Оройн Дээд Эзэн Бурханыг ахиад жаахан сунгаж өгөхийг гуйхыг хичээсэн. Тиймээс Та хоёрт цаг маш бага байна. Намайг бас энэ ертөнцийн Хаан гэдгийг Та хоёр маш сайн мэдэж байгаа. Та хоёрын аль хэдийнээс бүүр маш сайн мэддэг байсан энэ нууцыг би дэлхийн хүмүүст дэлгэн хэлсэн. Хүмүүс энэ дэлхийд, энэ гараг дээр хийсэн бүхэн нь үр дагавартай байдаг гэдгийг мэдэг гээд би үүнийг дэлгэн хэлсэн юм. Энэ ертөнцийн өөр өөр шатны захиргааны шүүхээс тэд мултрах боломжгүй.

Энэ дэлхийн шат шатны засаглалыг хаад, ерөнхий сайд нар, ерөнхийлөгч нар, төрөл бүрийн засгийн газрууд удирддаг ч нуугдмал зүйлсээс болоод, бодит хязгаараас болоод дандаа үнэн зөв шүүгээд байдаггүй. Харин дотоод ертөнцийн засаглал хууртахгүй, ямар ч байдлаар хууртахгүй. Тиймээс юу ч хийсэн ил тод, бүртгэгдэж байдаг. Та нар шүүгдэх л болно. Бид бүгд зүй ёсоор хариуцлага хүлээнэ. Тэгэхээр бүхий л бодит засаглалуудаас гадна чанагууд ертөнцөд нууц засаглал байдгийг мэдэх хэрэгтэй. Мөн Ертөнцийн Хуулийн дагуу ариун, буянтай амьдрахыг хичээ. Энэ дэлхийгээс явах үедээ та бүхэн юу ч хийсэн байсан хэдийгээр бодит ертөнцийн засаглалын нүднээс мултарч, бодит засаглалын шийтгэлээс зугтааж чадлаа ч өөр нэг нь, чанадын засаглал та нарыг шүүж, тэр бүү хэл бодит ертөнцийн шударга ёсыг тогтоохын тулд хариуцлага хүлээлгэдэг юм. Оюун санааны болон бусад түвшний талаар ярилтгүй.

Юу ч зугтах боломжгүй, хумхын тоос ч мултрах боломжгүй тор гэж байдаг. Өчүүхэн хумхын тоос ч энэхүү ертөнцийн гүн, жинхэнэ дотоод засаглалын торноос зугтаах боломжгүй. Энэ нь нууц байдаг ч би та нарт дэлгэж хэлэх ёстой боллоо. Миний дэлгэн ярьсан бүхэн надад аюулгүй байдаггүй ч энэ бүх бодит харагдах байдал, болж буй зүйлсийн цаана өөр зүйл байдаг гэдгийг дэлхий нийтэд ойлгуулахын тулд би хэлэхээс өөр аргагүй. Тэгэхээр юу ч хийсэн бай түүнээсээ мултрах боломжгүй, эсвэл хийж байгаа, хийх зүйлээсээ мултрах боломжгүй. Тиймээс ухамсрынхаа эсрэг, Ертөнцийн Хуулийн эсрэг ямар нэг зүйл хийхээсээ өмнө сайтар тунгаагаарай.

Та нарт хэлсэн бүхнээ би Оройн Дээд Эзэн Бурханы зөвшөөрлөөр хэлсэн юм шүү. Би дургүй байлаа ч та нарын сайн сайхны төлөө, амьдралаас илүү том зүйл байдаг гэдгийг санаг гэж, мөн юу ч хийсэн бид хариуцлагыг нь хүлээдэг гэдгийг сануулахын тулд би хэлэх ёстой. Бид хариуцлага хүлээх ёстой. Ертөнцийн Хуулийн нарийн торноос хэн ч зугтаж чадахгүй.

Хэдийгээр та нар намайг бодит төрхтэй харж байгаа ч би зөвхөн бодит төдий биш. Миний бодит төрх бол энэхүү бодит ертөнцийн төлөө ажиллах зориулалттай оффис төдий юм. Эндээс эхлээд бүр Хязгааргүйг хүртэл надад өөр олон оффис бий. Хэрэв надад итгэж байвал би та нарт илүү их тусалж чадна. Хэрэв та нар үнэмшихгүй байвал би багахан туслах боломжтой. Учир нь би та нарын сонгох эрх чөлөөг, хувийн сонгох эрхийг тань зөрчиж болохгүй. Бурхан ямар ч хүүхдээ хэзээ ч Өөрийнхөө боол болгохыг хүсдэггүй. Энэ бол их сайхан зүйл.

Төгс авирлахад суралцуулах гэж Хууль байдаг. Тийм л юм. Хэрэв сайн хийж чадахгүй бол өөр аргаар, өөр хэцүү аргаар, эсвэл тамын аргаар дахин сурах ёстой болдог. Учир нь Бурхан Чанар дотоодод тань байдаг. Тэгээд та нар өөрсдийгөө шүүдэг. Учир нь бид бүгд холбоотой. Тиймээс хэрэв та өөрийгөө шүүвэл бусад нь бүгд бас таныг шүүнэ гэсэн үг. Та нарт цэвэр ариун, гэнэн, гэм зэмгүй байх эрх бий ч бас эсрэг зүгийг сонгох эрх нь бий. Та нарт хаа явсан газраа төгс төгөлдөр, цэвэр ариун, ёс журам, нигүүлсэл, зөөлөн сэтгэл, өгөөмөр сэтгэл, өршөөлийг сонгох хугацаа байсаар байна. Бусдад хэдий чинээ ингэж хандана бодит оршихуйд болон ертөнц даяар та өөрийн агуу чанараа төдий чинээ тэлж байдаг.

Та бүхэнд сонголт ямагт бий. Хэрэв буруу сонголт хийсэн бол зүгээр л эрс өөрчлөгдөж, чин сэтгэлээсээ гэмээ наманчлан, даруу байж, өршөөл гуй. Хэт оройтохоосоо өмнө ингэхэд л болно. Нүгэл хэт их байвал та өөрийгөө шийтгэсэн тамын шийтгэлээс хэзээ ч мултарч гарч чадахгүй. Төрөхөөсөө өмнө, оршихоосоо ч өмнө та бүх дүрмээ тогтоосон. Тиймээс бодоод үз. Бүхий л сул талаа давагтун. Ахиад хүчирхэг бол, буцаад Бурханлаг болж, Бурхантай нэгд. Гэмээ наманчил, даруу бай, үргэлж чин сэтгэлээсээ өршөөл эрэн, эрс өөрчлөгд. Муу гэж мэддэг зүйлийнхээ эсрэгээр үйлд. Ердөө л энэ. Тун энгийн.

Намайг эрж хайж, олох гэсний ч хэрэггүй, эсвэл намайг дагах ч хэрэггүй. Би тийм зүйл хүсдэггүй. Зүгээр л та буцаад өөрийнхөө Их Багш бол. Гэмээ наманчлан, өршөөл гуйж, муу гэгддэг бүхний эсрэгийг үйлд. Надаас нэмэлт тусламж хэрэгтэй бол мэдээж би дуртайяа тусална. Гэхдээ би та нарыг хүрч ирээд намайг дага гэсэндээ ч юм уу энэ бүхнийг хэлээгүй юм шүү. Бурханы Ивээлээр та бүхэн намайг бас зүрх сэтгэлдээ дагаж болно. Гэвч энэ бүхнийг хэлж буйн минь шалтгаан энэ биш. Та нарыг мэдэг гээд, зүгээр л бодит амьдралаас илүү өөр бусад зүйл байдаг гэдгийг санаг гэж, мөн үүний дагуу үйлдэг гэсэндээ би энэ бүхнийг хэлсэн юм.

Та нар бол зөвхөн энэ бие махбод биш гэдгийг сануулах гэж, мөн бодит оршихуйгаас өөр илүү зүйл байдаг гэдгийг, сүнснийхээ дотроос, Бурхан-би-гээсээ зөв шийдлийг, зөв хариу, зөв үйлдлийг олохыг хичээн, хэн гэдгээсээ төөрөхгүйн тулд, мөн Бурханаас төөрөхгүйн тулд өөрийгөө авраг гэсэндээ би үүнийг хэлж байгаа юм шүү. Ямагт Бурханыг сана. Тусламж гуй. Өршөөл эр. Гэгээрлийг хүс. Бусад бүх зүйл энэ дэлхийд та нарт өгөгдсөн байдаг. Хэрэгцээнээс тань ч илүүг өгсөн байдаг. Орчин үед эгэл жирийн иргэд эртний хаадаас илүү тухтай амьдардаг болсон. Тэдэнд энэ бүх тав тухыг хангах эд зүйл одоогийн биднийх шиг бэлэн байгаагүй.

Өчигдөр би хэдэн мэдээ хайх ёстой болсон юм. Ердийнхөөрөө Суприм Мастер Телевизээрээ гаргачихаар ямар нэг сайн мэдээ байна уу гэж хайлаа. Тэгээд нэг аулак (вьетнам) залуу, магадгүй гуч гаран настай байх. Тэр гудамжинд илбийн үзүүлбэр үзүүлж байсан. Тэгтэл хэдэн хамгаалалтынхан тэнд ойрхон зогсож байлаа. Тэд юу ч хийлгүй байж байв. Дараа нь хэдэн хүн талбайгаар, гудмаар алхалж, хэдэн залуус тун сүүлийн үеийн АйФөүн утсаараа ярьж, хамаатан садан, найз нөхдөөсөө ч юм уу ирсэн мэдээг уншиж байлаа. Вьетнам, Ау Лак үнэхээр эрх чөлөөтэй болсон мэт санагдсан. Заримдаа мэдээ, хуурамч мэдээ Ау Лак (Вьетнам)-ыг маш хатуу хязгаарлагдмал улс гэж харуулдаг. Тийм биш. Энх тайван тогтсон цагаас, ядаж л Хойд, Өмнөд Ау Лак (Вьетнам) эргээд нэгдсэн мөчөөс хойш аливаа зүйл цаг үргэлж дээрдсээр ирсэн. Миний Бурханы шавь нар хүртэл нисэх онгоц, хөлөг онгоцны тийз захиалах боломжтой болж, бас машинаар явдаг, миний хаана байгаагаас хамааран, ямар нэг зүйлээр ус гатлаад ирж болж байна. Тиймээс үнэхээр эрх чөлөөтэй. Тэд яг л бусад улс оронд амьдарч байгаа мэт амьдардаг.

Зүгээр ч нэг улс орон шиг биш, илүү соёл иргэншилтэй, хөгжингүй орон шиг Ау Лак (Вьетнам)-д амьдарч байна. Хэрэв бүгд зөвхөн миний мэдээнээс харсан шиг байвал... Мөн Вьетнам (Ау Лак)-ын интернэт хуудаснаас ямар ч мэдээ харсан, тэд ямар ч мэдээ тавьсан тэр нь хүмүүст үнэхээр ач тустай байх юм. Ихэнх нь. Зарим хуурамч мэдээ мэдээж бий л дээ. Учир нь зарим хүмүүс дайнд дуртай, асуудалд дуртай, эсвэл зүгээр л анхаарал татах дуртай учраас хуурамч мэдээ тавьдаг. Гэвч ихэнх мэдээлэл нь бусдад, ард иргэддээ тустай мэдээ байсан. Хэрэв бусад улс орнууд тэдгээрийг нь хуулж аваад, аулак (вьетнам) хэлийг ойлгодог бол үнэхээр ач тустай зүйлс. Зүрх сэтгэлдээ би үнэхээр баяртай байна. Ау Лак (Вьетнам)-ын засгийн газар ард түмэндээ хамгийн сайнаар үйлчлэхийг ерөөе. Тэд энэ хэвээрээ үргэлжлүүлэх болтугай.

Ау Лак (Вьетнам)-т болсон бүхэнд, Ау Лак (Вьетнам)-т болж буй сайхан бүхэнд, мөн сайн засгийн газартай байгаад нь Бурханд талархъя. Юу л даа, засгийн газар болгонд дутагдал бий ч миний мэдээнээс харсан бүхнээр бол тэд улс орныхоо иргэдэд туслахыг хичээж буй нь үнэхээр сайн, цэвэр засгийн газар мэт санагдсан. Энэ бүхэн үнэн гэж найдъя. Энэ зүгээр л олон нийтэд зориулсан сурталчилгаа төдий биш гэж найдъя. Бурханд талархаж байна. Ау Лак (Вьетнам)-т хайртай, бас маш их тусалдаг Бурханд талархъя. Аулак (вьетнам)-чууд улам олноороо веганыг таньж мэдэн, веганыг дадуулна гэж найдъя.

Би гудамжинд аулак (вьетнам) веган ресторануудыг ч харсан. Яг ч ресторан биш, өөрсдийнх нь хийсэн лангуу маягийн зүйл. Засгийн газар ч тэднийг Ханойд зөвшөөрсөн байна. Тэд гудамжинд, зам дагуу, зарим байшингийн хажууд, аулак (вьетнам) байшингийн цэцэрлэгт хүрээлэнгийн хананы дэргэд юмаа тавьсан байдаг. Тэгээд би маш их баярласан шүү. Бас бичлэг дээрх хоол нь маш амттай харагдаж байлаа. Би бол өдөр бүр ч идэж чадахаар хамгийн сайхан (веган) хоол. Би тэдгээрийг маш их санаж байна. Би та нарт үнэнийг хэлэх ёстой. Дэлхий дээр амьдарч байх хугацаанд бие махбодоор мэдрэх амт, бие махбодын амьдрал гэх зэргээс та нар тийм ч хурдан салж чадахгүй. Диваажинд оччихоогүй л бол энэ бол өөр зүйл. Гэхдээ би тэдгээрийг үгүйллээ гээд заавал идмээр байгаа гэсэн үг биш л дээ. Би зүгээр л “Аан, би мэднэ, би үүнийг мэднэ. Тэр (веган) гоймонтой шөлийг би мэднэ, (веган) гоймонтой хуургыг мэднэ, би тэдгээрийг мэднэ. Өө, ёстой сайхан шүү. Ёстой амттай.” л гэж хэлдэг.

Тэгээд ч надад хэдэн арван жил ийм хоол байсангүй. Яг л эх орноосоо, аль нэг улсаас хол байхдаа хэдэн арван жил тийм хоол идээгүй байдаг шиг. Танай нутгийн хоол, хоол хийх арга бусад орныхоос өөр байдаг даа. Тэгээд мэдээж маш их санадаг. Харин миний нөхцөл байдалд би тэдгээрийг идэж чадахгүй. Тийм хоол байхгүй. Надад өдөр бүр ийм хоол хийж өгөх аулак (вьетнам) тогооч байхгүй. Би өөрөө хоол хийж чадна. Гэхдээ энгийн байх ёстой. Энэ болгоныг хийх цаг зав алга. Зарим хоолыг бэлтгэхэд цаг шаардагддаг ч амттай байдаг.

Бүх аулак (вьетнам) веган хоол, тэр ч байтугай үндсэн хоол биш байлаа ч гайхалтай, ёстой гоё амттай байдаг. Та бүгд амсаад үзээрэй. Хэрэв Ау Лак (Вьетнам) явбал эдгээр аулак (вьетнам) веган хоолнуудыг амсах хэрэгтэй. Ёстой гайхалтай амттай. Маш тансаг хурц амттай, тун анхилуун амттай, бас эрүүл. Тэгээд төр засаг нь зам дагуу ингэж ажиллуулахыг зөвшөөрдөг. Үүнийг хараад их баяртай байна. Би маш эрх чөлөөтэй, эрх чөлөөг өгдөг, эрх чөлөөг хайрладаг Ханой болон Ау Лак (Вьетнам)-ын засаг захиргаанд талархах ёстой.

Ийм зүйлсийг би заримдаа санамсаргүй байдлаар л хардаг. Хайж олж харсан юм биш. Би юу хайхаа мэдэхгүй л дээ. Гэхдээ заримдаа мэдээ хайхаар гарч ирдэг юм. Ээ, Бурхан минь! Би тэнд байсан ч болоосой. Энэ хоолнуудыг өдөр бүр идсэн ч чадна. Би шууд л энэ гудамжны веган хоолны худалдаа, гудамжны веган хоолны лангууны хажууд байр түрээслэх байсан. Маш чөлөөтэй, маш сайхан, тун амттай харагдаж байна. Би алдартай, өндөр зэрэглэлийн ресторанд тийм ч дуртай биш. Би ийм, гудамжинд иддэг хоолонд дуртай. Дээхэн үед намайг Тайвань (Формоса)-д үргэлж Бурханы шавь тайвань (формоса)-чуудтай байдаг байхад дияан болгоноор, эсвэл тэд зүгээр л хоол хийдэг буланг ашрамын хаа нэгтээ байрлуулчихдаг байсан. Тэгээд надад маш их таалагдсан тул үргэлж л очоод юм иддэг байлаа. Мэдээж үнэ төлнө л дөө. Авшигтнуудаасаа авсан бүхнийхээ төлбөрийг би төлдөг. Үүнийг бүгд мэднэ. Тэд бүгд үүнийг мэддэг.

Ийм яриа гарч магадгүй гээд бид дурдаад явах ёстой юм. Би зүгээр л харанхуйд дахин урцандаа ярьж байна гэдгээ хэлэхээ мартчихаж. Сая огноо хартал 3-р сарын 22 болж байна. Иймд та нарыг үүнийг сонсохыг хүсэж байгаа гэж би бодлоо. Тиймээс багийнхнаасаа үүнийг Суприм Мастер ТВ-ээрээ гаргаарай гэж хүсэж магадгүй. Зарим хүн, ядаж миний Бурханы шавь нар сонсохыг хүсдэг гэж би итгэж байна. Тиймээс би нийтлэх байх. Гэхдээ би дуусгаагүй байна. Би хэн нэгэнтэй ярилцах шаардлагатай болоод үе үе асааж, унтрааж бичсэн юм. Бурханы Ивээлээр, Бурханы Оршихуй, дотоодын Цаглашгүй Дээд Их Багшийн Оршихуйтай, Их Багштай нэгдмэл боловч бодит түвшинд ажиллах шаардлагатай байдаг учраас Тэднийг өөр бусад шиг дууддаг. Би бие махбодтой л болохоос биш тэднээс ялгаагүй. Хэдийгээр ялгаатай биш ч гэсэн би өөр ажил хийж, харин дотоодын Их Багш өөр ажил хийдэг. Гэхдээ бид хамтдаа.

Тайлбарлахад хэцүү ч одоохондоо тэр мэдээллийг л сонсоорой. Өө, амархан л даа. Жишээлбэл: Шагжамуни Будда гэхэд Дэлхий дээр байхдаа бие махбодын хувьд лам байсан ба өдөр бүр гарч бадар барьдаг байв. Гэхдээ энэ нь Тэр зөвхөн тийм байсан гэсэн үг биш юм. Тэр Будда байсан. Хамаг төрөлтөнд туслахын тулд Диваажин руу ч, там руу ч явсан. Буддаг Диваажинд очих бүрд Диваажингийн Төрөлтнүүд хүртэл ирж, Диваажинд Түүнээс суралцдаг байсан.

Мөн Есүс Христ дэлхий дээр бол мужааны хүү байсан. Гэхдээ Тэрээр Бурханы Хүү байж, бүх зүйлийн талаар өргөн мэдлэгтэй байсан. Гэвч хүмүүс гайхалтай зүйлийг сонсоод хэдийгээр сүнс нь ойлгож байсан ч ойлгодоггүй. Энэ нь тэдний оюун ухаан, тархиар дамжих ёстой байдаг. Мөн тэдний тархи Бурханы сургаалаас өөр бусад эргэн тойрныхоо бүх зүйлийн нөлөөнд амархан өртдөг. Асуудал нь энэ. Тийм ч учраас бүх Их Багш маш их зовдог.

Заримдаа Их Багш надад дотоодын нөхцөл байдал, мэдээллийг хэлдэг учраас би үе үе “асааж, унтрааж” бичсэн гэж хэллээ. Заримдаа та нарт ямар нэг юм хэлэх, хэлэхгүй талаар Бурханаас зөвшөөрөл хүсэх хэрэгтэй болдог. Тиймээс дуу хураагуураа ахин дахин унтрааж, асаан, уулзалт, яриа болж байсан учраас би “унтрааж, асаан” бичлэг хийдэг гэж хэлсэн юм. Энэ бол хэдхэн үг хэлчхээд “баяртай” гэж хэлдэгтэй адилгүй. Үгүй. Тиймээс би бичлэг хийхгүй бол зарим нэг чухал зүйлийг мартаж магадгүй тул бичлэг хийх шаардлагатай эсэхийг Их Багшаас асуусан. Тэгээд өнөөдөр би шөнө дөлөөр урцандаа бичлэг хийж чадаж байгаадаа баяртай байна. Учир нь би гадагшаа гараад бичсэн бол заримыг нь мартчих байсан байж магадгүй. Тэгээд би Их Багш нартай болон Бурхантай байнгын тийм ч нарийн холбоотой байж чадахгүй байсан байх. Гэрлээ асааж, унтраагаад байвал хэтэрхий гэрэлтэй болчихно. Утас нь амар. Ямар ч гэрэл асаах шаардлагагүй. Мөн утас руугаа харах ч үгүй бичлэг хийж болно. Энэ ёстой сайхан, гайхалтай бүтээл шүү. Хүний амьдралд ийм тав тухыг авчирсан бүхий л утас зохион бүтээгчид болон холбогдох бүх ажилтнуудад баярлалаа. Та нар адислагдах болтугай. Хайрлагдах болтугай. Бурханы Адислал, Хайрыг мэдрэх болтугай. Амен.

Би тэр хоёр Хаанд энэ гараг дээрх ажлаа биелүүлэхийн тулд хүч чадал хайрлаач хэмээн Бурханд залбираарай гэж дахин дахин сануулсан. Одоо бид бүгдээрээ залуужихгүй. Ажлаа хий, цаг хугацаагаа дуусаагүй байхад энэ эрхэм ариун ажлыг хийснийхээ төлөө буяныг, асар их буяныг хураа. Бид энд үүрд амьдрахгүй. Бид ямар нэг зорилгоор энд ирсэн. Хэдийгээр би Та хоёрын нэр, улс орныг дурдаагүй ч миний энэ яриаг сонсоод бодит түвшинд ч гэсэн Өөрсдийгөө мэдэх биз ээ. Хэрвээ миний яриаг сонсвол Та хоёр мэдэх болно. Та хоёр айдсаа ялан дийлж, ажлаа хийх хангалттай хүч чадал хайрлаач хэмээн Бурханд залбираарай. Бидний энэ гараг дээр бусдад учруулсан үйл бүхэн төлөөстэй байдаг. Бид төлөхийг хүсэхгүй байсан ч төлөх ёстой. Гэхдээ бид ариун үйлсийн төлөө бага төлбөр төлдөг. Бидэнд халгаатай байж болно. Бие махбодын хувьд, тэр ч байтугай нэр хүндийн хувьд ч хохирч магадгүй ч гэлээ Диваажин дахь жинхэнэ Бурханлаг орон гэртээ буцаж очоод Бурханы Хаант улсад асар их шагнал хүртдэг. Тиймээс үүнийг яаравчлан хийгээрэй.

Надтай хамтран ажилла. Тэд Та нар шиг Диваажингаас ирсэн хэдий ч энэ Дэлхий дээр энх тайвныг эрхэмлэгч багтай биечлэн ажилла. Та нар үүнийг мэдэж байх ёстой. Энэхүү бодит хөшигний цаана энэхүү бодит оршихуйгаас илүү том зүйл байдаг юм шүү. Сүмд очоод л мэдэхгүй байж мэддэг юм шиг ярьж болохгүй. Та нарын сүнс мэдэж байдаг. Сүнснээсээ мэдлэг хүс. Бүх Их Багш нараас өршөөж, замчилж хайрлаач гэж хүс. Ажлаа биелүүлэх хүч чадал, мэргэн ухаан хайрла гэж Оройн Дээд Эзэн Бурханаас гуй. Чадлаараа хичээж байгаад Тань бас баярлалаа. Та нар оюун санааны ертөнцөд болон энэхүү биет ертөнцөд Өөрсдийн ажлыг гүйцэлдүүлэхүйцээр их адислагдах болтугай.

Бичлэг маань байнга асаалттай бичигдээд байдаггүй. Гэхдээ хамаагүй ээ. Би ямар нэг зүйлийг санаж байсан цагт, эсвэл Их Багшийн, Бурхны надад сануулсан зүйлийг мартахаасаа өмнө бичих ёстой. Тиймээс энэ нь Нобелийн шагналт уран зохиолын бүтээл, шилдэг бүтээл энэ тэр шиг байх албагүй. Та нар үүнийг сонссон л бол, үүнийг ойлгож, өөртөө тусалж, энэ ертөнцөд туслахын тулд зохих ёсоор ажиллахыг хичээж л байвал боллоо.

Мөн би та нарт өөрийн зүгээс маш шударга бөгөөд үнэн, цэвэр ариун зүйл хэлэхийг хүсэж байна. Би өөрийнхөө мэдэж байгаа, хэлж болох бүх зүйлийг хэлсэн. Учир нь энэ бодит оршихуйд ч гэсэн би цэвэр ариун байгаагаа, Оройн Дээд Эзэн Бурханаар хайрлуулж байгаагаа мэдэрдэг. Үүнд би асар их талархалтай байдаг. Та нар бүгд миний мэдэрдэг цэвэр ариун байдал, Бурханы хайрыг мэдэрнэ гэж тун их найдаж байна. Оройн Дээд Эзэн Бурхан Та бидэнд үүнийг хайрлах болтугай. Амен, Эрхэм ээ. Та бид бүгдийг ариусгах болтугай. Та намайг цэвэр ариун болгож, хайрладагтай адил зүйлийг би бусад бүх төрөлтөнд хүсэж байна. Амен, Эрхэм ээ. Би Оройн Дээд Эзэн Бурхан Танд, Таны Ариун Өлмийд мөргөж байна. Мөн энэ гараг дээрх бүх хүн төрөлхтөн, хамаг төрөлтний нэрийн өмнөөс Танд баярлалаа. Бид Танд хайртай. Би Танд хайртай.

Гуравдугаар сарын 26-нд Их Багш эелдгээр дараах нэмэлт мэдээллийг илгээлээ:

Энэ дашрамд миний хэлсэн хоёр Хааны нэг нь надаас өршөөл эрэхээр ирсэн гэдгийг дуулгая. Тэрээр энх тайван, аз жаргалын төлөө байхаа мэдэгдсэн. Мөн Тэр гэмшсэн. Тиймээс Тэрээр Энх тайвны томьёоллыг хүлээлгэн өгч, үйл явцад оролцож байгаа. Дотоодод, дотоодоор, хүмүүс харах боломжгүй байдлаар л даа. Тиймээс бид энх тайван удахгүй тогтоно гэж найдаж байна. Оройн Дээд Эзэн Бурханд талархъя. Амен.

Photo Caption: Хэн Наранд Ингэж Их Хайрлахгүй Байх Билээ!

Зураг татаж авах