Би Арьяабалын Аргыг надад уламжилж өгсөн Багшдаа баярлалаа. Энэ бол юутай ч зүйрлэшгүй хамгийн гайхамшигтай арга гэдгийг би бясалгал далдлаар ойлгосон.

Ау Лак буюу Вьетнамаас Тран Диний ау лак (вьетнам) хэлээр илгээсэн олон хэл дээрх хадмал орчуулгатай сэтгэлийн үгийг одоо хүргэе:

Сайн байна уу, Хайрт Их Багш минь, би 1993 онд Арьяабалын Аргын авшиг хүртсэн билээ. Бясалгал хийж эхлэхээсээ өмнө би нэг удаа шар хувцас өмссөн үстэй нэгэн Лам, "Таныг бясалгагч болоход замчилъя" гэж хэлсэн тухай дотоод ахуй ойлголт үзэж байсан. Энэхүү дотоодын ахуй ойлголтынхоо дараа би Арьяабалын Аргыг надад уламжилсан Их Багштайгаа учрах боломжоор адислагдсан юм. Их Багштайгаа 30 гаруй жил бясалгаж байна. Эргээд бодоход Их Багшийн шар дээлтэй зураг яг л Их Багштай бясалгал хийж эхлэхээс өмнө харж байсан шиг харагдсан.

Би Арьяабалын Аргыг хүлээн авснаас хойш цэвэр веган хоолны дэглэм барьж, Таван сахилыг мөрдөж, өдөр бүр хоёр цаг хагас эсвэл дөрвөн цаг гаруй бясалгал хийж байна. Нэгэн өдөр бясалгал хийж дуусаад унтсан чинь маш том, үзэсгэлэнтэй Арьяабалын Бодьсадва тэнгэрт гарч ирэн над руу эгцлэн харав. Би тэр үед задгай талбайд зогсох агаад миний ард олон хүнтэй зогсож байсан. Би алгаа хавсраад, Арьяабалын Бодьсадва руу хараад “Арьяабалын Арга ямар байдаг вэ?” хэмээн асуув. Тэгэхэд Арьяабалын Бодьсадва “Арьяабалын Арга бол хосгүй бөгөөд зүйрлэшгүй юм” гэсэн.

Олон жил бясалгахдаа би Их Багшийн дотоод болон гадаад олон ахуй ойлголт хуримтлуулсан. Нэг удаа нийтийн бясалгалын үеэр зарим нэг авшигтан надаас Франц руу явж Их Багштай уулзах эсэхийг асуулаа. Би бясалгалын танхимд түүнд үгүй гэж хариулсан. Дараа нь гэртээ хариад унтсан чинь Их Багш намайг Францад аваачхаар дагуулж явсан тухай дотоод ахуй ойлголт үзлээ. Би Их Багшийн мутраас атган хажууд нь алхах юм. Багш над руу эргэж хараад "Харж байна уу? Таныг Францад ингэж аваачихад ямар мөнгө орохгүй байгаа биз дээ?" гэлээ. Тэгээд Багш над руу хараад инээмсэглэв. Би юу ч хийсэн, юу ч хэлсэн Их Багш бүгдийг мэддэг. Их Багш минь үнэхээр гайхамшиг. Би Арьяабалын Аргыг надад уламжилж өгсөн Багшдаа баярлалаа. Энэ бол юутай ч зүйрлэшгүй хамгийн гайхамшигтай арга гэдгийг би бясалгал далдлаар ойлгосон. Багшдаа эсэн мэнд, эрүүл энх байж, урт удаан наслан хамаг амьтныг авраасай хэмээн хүндэтгэлтэйгээр хүсэн ерөөе. Намо Төгс Гэгээрсэн Их Багш Чин Хай. Намо Шүтээн Майдар Бурхан минь.

Ау Лак (Вьетнам)-аас Тран Дин

Хүндэтгэлт Тран Дин, сэтгэлийн үгээ илгээсэнд баярлалаа. Их Багш танд хайраар хариулж байна:

“Хайрлам Тран Дин, хайр дүүрэн зурвас илгээсэнд баярлалаа. Та гэгээрлийн маш олон дотоодын ахуй ойлголт үзсэн нь гайхалтай юм. Та Үнэний замаар явж байгаа нь хамгийн хамгийн золтой. Арьяабалын бясалгалыг юутай ч зүйрлэшгүй гэж таны хэлж байгаа нь үнэн. Энэхүү дамжуулалтыг хүлээн авч, тогтмол бясалгаж, Таван Сахилыг дагасан хүмүүсийн амьдрал тэр дороо гайхамшигт болж, тэдний амьдрал, хувь заяаны замнал бүхэлдээ сайн сайхан болж өөрчлөгддөг. Энэ ертөнцийн ихэнх хүн Бурханлагтай найдвартай, шуурхай харилцаж чадахаар Диваажинтай үнэхээр холбогдоогүй байдаг. Иймд өдөр тутмын амьдрал нь байх ёстойгоосоо хамаагүй хэцүү болж, хүмүүс амьдралаа удирдахын тулд хүний ​​оюун ухаан, эгодоо найдах ёстой болдог бөгөөд энэ нь тэднийг жинхэнэ мөн чанараасаа холдоход хүргэдэг. Та болон Ау Лак (Вьетнам)-ийн ухамсартай ард түмэн дотооддоо Бурхан Чанараа сэрэхийг мэдрэх баяр хөөрийг амсах болтугай. Миний Хайр таныг Гэртээ харих замд чинь чиглүүлэх болно!"