Ukraine (Ureign) Relief Update

Төгс Гэгээрсэн Их Багш Чин Хайн Олон улсын Нийгэмлэгийн мэдээнд: Украин (Урейн)-ы Полтавын Ловинг Хатаас ирсэн шинэчлэгдсэн мэдээлэл...

Төгс Гэгээрсэн Их Багш Чин Хай (веган)-н, бүх төрөлтөнд амгалан ертөнцийг бий болгох хайр дүүрэн алсын хараагаар удирдуулсан Полтавын Улсын хөдөө аж ахуйн Их Сургуулийн Ловинг Хат веган кафе, лаборатори нь зүрх сэтгэлийг хөдөлгөж, бусдад энэрэнгүй веган амьдралыг хүлээн авах урам зориг өгсөөр байна. Дараах тайланд Ловин Хат дахь 2025 оны 10-р сарын үйл ажиллагааг онцлон харуулав.

10-р сарын 2-ны өдөр Киевээс Украин (Урейн)-ы Нийгмийн бодлого, гэр бүл, эв нэгдлийн сайд Эрхэмсэг Ноён. Денис Улиутин Полтава Улсын хөдөө аж ахуйн Их Сургуулийн Захирал, Доктор. Александр Халич, Дэд захирал Доктор. Олег Горб, Засгийн газрын албаны хүмүүсийн хамт Полтавын веган хоолны лабораторитой танилцахаар зочиллоо. Тэд веган суши идэж, тус байгууламжийн зорилгын талаар мэдэж авсан юм.

10-р сарын турш Ловинг Хат Полтава нь Полтава Улсын Анагаах Ухааны Их Сургуулийн олон тооны анагаахын оюутныг угтан авав. 10-р сарын 9-ний өдөр их сургуулийн дэргэдэх “Эв нэгдэл” байгууллагын дөрвөн оюутан дайны үеийн сэтгэцийн эрүүл мэндийн мэдлэгийн талаар илтгэл тавьсныхаа дараа зочиллоо. Дотор өвчний анагаах ухаан судлалаар суралцдаг оюутнууд веган ургамлын-гаралтай хоолны дэглэмийн сэтгэцийн эрүүл мэндэд үзүүлэх ач тустай танилцаж, 20 гаруй оюутны дунд веган хоол заах хичээл зохион байгуулах сонирхолтой байгаагаа илэрхийлэв. Энэтхэгийн анагаахын оюутнууд ч бас тогтмол ирдэг зочид болсон бөгөөд кафег онлайнаар таван одтой гэж үнэлжээ. Мөн их сургуулийн оюутнууд Толик, Богдан нар танхимын ажилтнаар сайн дураар ажилладаг бөгөөд веган хоол амтлуулахаар найз нөхөд, гэр бүлээ байнга авчирдаг.

Мөн 10-р сарын 9-нд Доктор. Олег Горб, Киевээс хөдөө аж ахуйн гурван бизнес эрхлэгчийг Ловинг Хат-д зочлуулахаар авчирсан. Кафе тэдэнд үнэ төлбөргүй бао боов, сарны бялуугаар үйлчилсэн байна.

10-р сарын 13-нд Илья, Леночка хэмээх веган хосууд Инстаграмаас Ловинг Хат- ыг олж мэдсэнийхээ дараа өөр хотоос иржээ. Хоёр жилийн турш веган амьдралын хэв маягийг баримталсан тэд, төрөл бүрийн хоол захиалж, Төгс Гэгээрсэн Их Багш Чин Хайн мэдээллийн хуудсыг гэртээ авч явав.

10-р сарын 22-нд Полтава Улсын хөдөө аж ахуйн Их Сургуулийн Харилцаа холбоо, Маркетингийн тэнхимийн дарга оюутнууддаа Ловинг Хат-ыг олон нийтийн мэдээллийн хэрэгслээр сурталчлах мэргэжлийн түвшний сурталчилгааны төсөл зохиох зөвшөөрөл хүссэн байна. Их сургуулиас санхүүжүүлсэн аян 10-р сарын 24-нд ангийнхантайгаа буцаж ирээд тэднийг кафетай танилцуулснаар эхэлжээ. Дотоод заслын үзэсгэлэнт байдал, ялангуяа Төгс Гэгээрсэн Их Багш Чин Хайн бүтээсэн урт наслалтын Дэнлүүг үзэж байгаадаа баяртай байгаагаа оюутнууд илэрхийлэв. Багийнхан Төгс Гэгээрсэн Их Багш Чин Хайн сургаал болон веган зарчмуудыг тайлбарлаж, тэдний сурталчлах гэж буй зорилгоо илүү сайн ойлгоход нь тусалсан. Зураг авалт 10-р сарын 29-нд эхэлсэн бөгөөд дөрвөн оюутан хоол захиалж, орц найрлага, жор асууж, өндөр чанартай камер, гэрэлтүүлгийн төхөөрөмж ашиглан мэргэжлийн гэрэл зураг авчээ. Маргааш нь 15 орчим оюутан Төгс Гэгээрсэн Их Багш Чин Хайн уран зураг, гэрэл зураг, урт наслалтын Дэнлүү, буфет, кафены чимэглэл зэргийг багтаасан өргөн хэмжээний бичлэг хийхээр эргэн ирж, зочдын туршлагаас ярилцлага авчээ. Дараа нь нэмэлт контент бүтээхээр дахиад таван оюутан ирсэн. Тэдний ажил нь уралдааны нэг хэсэг бөгөөд шалгарсан төслийг Украин (Урейн) даяар өргөн хүрээний үзэгчдэд хүргэх зорилгоор ашиглах болно. Полтавагийн Хөдөө Аж Ахуйн Их Сургуульд байрлах веган кафе хүмүүсийг нэгтгэдэг амт юм!

Полтава хотод 10-р сарын 24-ний өдрөөс 2026 оны 3-р сарын 31 хүртэл үргэлжлэх хуваарийн дагуу өдөр бүр 30 минутаас гурван цаг хүртэл цахилгаан тасарч эхэлсэн. Ийм нөхцөлд Ловин Хат-ын баг, цахилгаангүй үеүүдэд хэрэглэгчдэд зориулж цахилгаан тасалдлын хуваарийг хянаж, веган буррито, веган бургер, веган хотдог зэрэг түргэн хоол бэлтгэх замаар дасан зохицох боллоо. Хүйтэн цаг агаар, цахилгаан тасарсан үед иргэдэд илүү сайн үйлчлэх үүднээс шинэчилсэн хоол, гэрэл зураг бүхий хүргэлтийн шинэ цэсийг ч бэлтгэж байна.

10-р сарын 27-нд Доктор. Олег Горб их сургуультай танилцаж байсан Англи/Польш гадаад хэлний ангийн хүүхдүүдийг дагуулан иржээ. Ловинг Хат тэдэнд үнэгүй цай, веган бялуу, веган чихэр, веган сушигаар үйлчилсэн бол Доктор. Олег Горб веганизм болон Ловинг Хат-ын эрхэм зорилгын талаар ярилаа.

Доктор. Олег Горб их сургуулийн хөдөө аж ахуйн оюутнуудын тарьж ургуулсан хулууг санал болгосон гайхалтай гэнэтийн бэлгээр энэхүү сар өндөрлөлөө. Ловинг Хат багийн гишүүд зарим хулууг түүж авсан бөгөөд үүнийг хулууны бялуу зэрэг амтат, чихэрлэг веган хоол хийхэд ашиглах болно. Сайхан өргөлийн тухай сонсоод Төгс Гэгээрсэн Их Багш Чин Хай хайраар захисан нь: “Хулуу тариалж буй оюутнуудыг үдийн хоолоор үнэгүй дайлаарай, эсвэл завтай бол ирэхийг уриарай. Эсвэл ДР.ГОРБ-оос тэдний хэн болохыг асуугаад, тэдэнд үнэгүй хоолны тасалбар өгөөрэй, тэгвэл тэд боломжтой үедээ очих болно.” гэв. Үлдсэн хулууг их сургууль нугас-, хун-, галуу-, тогос-хүмүүс зэрэг шувуу- оршин суугчдыг тэжээхэд ашиглах болно. Их сургуулиас амьтан найз нөхдөө халамжлах сайхан сэтгэл, энэрэнгүй байдал нь тэдний үйлдлээс үнэхээр гэрэлтэж байна.

Төгс Гэгээрсэн Их Багш Чин Хай хэлэв: “Тэд, үнэхээр сэтгэлийг минь хөдөлгөж, аз жаргалтай болгодог. Ард түмэн нь нийтийг хамарсан ХАЙР хэмээх энэрэнгүй Үзэл баримтлалын дагуу амьдарч, зарчмыг нь хэдийнээ бага наснаас нь иргэддээ зааж сургаж байгаагийн гайхалтай жишээ энэ! Урейн (Украин) улсын иргэд өөрөөрөө бахархах ёстой. Би энэ улсад хайртай!”

Төгс Гэгээрсэн Их Багш Чин Хай уг тайлангийн хариуд хамт олонд хайрын захиас илгээв: “Эрхэм Ловинг Хат-ын хамт олон, Доктор. ХАЛИЧ, Доктор. ОЛЕГ ГОРБ болон бүх эрхэм ариун хүмүүст миний Хайр, талархлыг уламжилна уу! Украин (Урейн)-д сайхан сэтгэл, хайрыг авчирч, байгаа газартаа сайн үйлс хийж буй бүх сайн дурынханд баярлалаа. Би та бүгдээрээ бахархаж байна!!! Та нар маань энэ дөлгөөн Нутаг оронд миний Хайрыг тэлж хүргэгч нар шүү. Бурханы-Ивээлээр танайд зочилсон бүх хүнд даруухан, халамжтай үйлчилсээр л байгаарай. Том тэврэлт, хайр, хайр.”

Энэхүү утга учиртай ажилд урам зориг өгсөн Төгс Гэгээрсэн Их Багш Чин Хайд хязгааргүй Хайр, энэрэнгүй алсын хараанд нь талархаж байна. Бурханы Ивээл Украин (Урейн) ард түмнийг хамгаалж, энэ сайхан Нутгийн бүх хүнд урт удаан амар амгалан, илаарьшилыг авчрах болтугай.