Эцэг эхээ хайрлаж, хүндлэхээ санахад энэ нь бидэнд тус болох болтугай.

Малайзаас Жоленийн малай хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Эрхэм Хүндэт Хайрт Их Багш аа, Надад саяхан тохиолдсон үйл явдлаа Тантай хуваалцахыг би хүсэж байна. Би аав ээждээ маш их хайртай, ийм сайхан бэлгийг хайрласан Бурханд маш их талархаж байна. Гэсэн хэдий ч би ээжтэйгээ ихэвчлэн санал зөрөлдөж, санал нийлэхгүй байх хандлагатай байдаг. Гэлээ ч түүний сэтгэлийг зовоохыг хүсдэггүй тул би үзэл бодлоо хэлдэггүй. Заримдаа өөрийн сэтгэл санаатайгаа тэмцэх хэцүү байдаг.

Саяхан, тэрний хэлсэн зүйл намайг уйлуулахад хүргэсэн. Би уурлаад холдсон. Өрөөндөө Таны хөргийн өмнө арчаагүйгээр суугаад уйлж, сөрөг бодлуудыг минь зайлуулж өгөөч гэж Танаас гуйсан. Гэнэт, хайрын сэтгэлийн талаарх Таны сургаалыг надад дотоод дуу хоолой сануулж байгаа мэт мэдэрсэн. Сүнсэнд минь ойлгуулахын тулд нүд минь тэднийг харна гэж найдан би тэдгээрийг нэг нэгээр нь бичиж эхлэв. Би бичсээр байхдаа, хүүхдүүдээ өсгөхийн тулд ээжийнхээ тэвчсэн, даван туулсан бүхнийг санаж эхэлсэн. Тэр наснаасаа үл хамааран гэр бүлээ тэжээхийн тулд ямар ч хүлээлтгүй, шаргуу ажилласаар байна. Эцэг эхдээ элэгтэй байж, асарч халамжлахыг Их Багш яагаад үргэлж сануулдгийг би тэгэхэд ойлгосон. Үүний дараа би ээждээ уучлалт гуйсан мессеж бичээд тэр даруйдаа сэтгэл тайвширсан. Тэгээд энх тайвны төлөө бууж өгөх нь дайнд оролцохоос хэзээд дээр гэдэг нь надад ойлгомжтой болсон.

Их Багшийг ширтэн байхдаа намайг сэхээрүүлсэн үгсийн дунд, миний доторх сэтгэл зүйн тэмцлээс дараах үгс надад тайвшрал, амар амгаланг авчирсан юм: Би хэнийг ч эзэмшдэггүй; бас хэн нэгэнд хамааралтай, хараат бус. Би зөвхөн нэг дүр төдий, миний эргэн тойрон дахь хүн бүр амьдрал хэмээх энэ тайзан дээр өөрийнхөө дүрд тоглож байгаа жүжигчид юм. Жинхэнэ амьдрал зөвхөн үхсэний дараа л эхэлдэг. Иймд хайр бол биднийг зовлонгоос салгах цор ганц шийдэл учир, хаана ч байсан хайраа түгээ.

Үргэлж миний гараас атгаж, хажууд минь алхаж, бусдад үйлчилж утга учиртай амьдрахад минь урам зориг хайрлаж байдаг Бурханд, Хамгаас Эрхэм Их Багшдаа баярлалаа. Таны хязгааргүй Хайрын Далайг дүрслэх үг олдохгүй байна. Хүн төрөлхтөн Дэлхий дээрх диваажинг дахин мэдрэхийн тулд нөхцөл болзолгүй хайрын замаар алхаж сурна гэж би найдаж байна. Таныг би бүх зүрх сэтгэлээрээ хайрладаг, хэзээ нэгэн цагт би жинхэнэ билиг ухаанд хүрч, Таныг бахархуулж чадна гэж найддаг. Таны үнэнч шавь, Жолен, Малайзаас

Амгаланг-эрэлхийлэгч Жолен, Ээжтэйгээ холбоотой туршлагаа хуваалцсанд баярлалаа. Эцэг эхээ хайрлаж, хүндлэхээ санахад энэ нь бидэнд тус болох болтугай.

Их Багш танд гүн ухаантай, гярхай хариу өгч байна: “Өрөвдөн хайрладаг Жолен, таны сэтгэлийн үгэнд талархаж байна. Охид хөвгүүдэд эцэг эхийнхээ өргөдөг золиослол, анхаарал халамжийг ойлгоход хэцүү байдаг. Хүүхэд өсгөх нь өдөр бүр, 24 цаг, олон жилийн турш үргэлжилдэг ажил юм. Хүүхдүүд нас биед хүрээд, бие даасан ч гэсэн, эцэг эхийнх нь халамж, анхаарал үргэлж дэргэд нь байхын зэрэгцээ шаардлагатай үед оюун санаа, сэтгэл зүй болон бие бялдрын дэмжлэг үзүүлж байдаг. Эцэг эхчүүдэд хүүхдээ өсгөхтэй холбоотой бэрхшээлүүдээ даван туулах нь амар биш, учир нь тэдэнд шаардлагатай цаг хугацаа, нөөц боломж үргэлж байдаггүй. Энэ хорвоо дээр хүмүүс хэрхэн эцэг эх байхыг, тэднийг ээж аав нь хэрхэн өсгөснөөс суралцдаг. Иймд дадал зуршил уламжлагдах тул тэд ижил хэв маягийг давтдаг. Та алхам ухарч, өргөн утгаар нь харахад тань тусалсан сургаалыг олж чадсан нь сайн хэрэг. Хайр бол үргэлж асуудал бүрийн хариу нь байдаг. Та энэ шийдлийг зүрх сэтгэлдээ, дотоод мэдрэмжээрээ олж мэдсэн нь намайг баярлуулж байна. Гэвч хэрвээ ямар нэгэн шавь дотроо орших, дотоодын Багштайгаа нэг давтамжид орон холбогдож чадвал, тэд, жинхэнэ Багш аливаа төрөлтөнд зааж сургахын тулд зөвхөн үгийн хэл яриа ашигладаггүй, харин Багшийн Жинхэнэ Сургаал нь Багшийн хязгааргүй, хэмжээлшгүй Дотоод Хүчээр дамжин хүрдэг бөгөөд энэ Хүч нь Орчлон, ертөнцийн хязгааргүй Энергиэс үүсэлтэйг ойлгоно. Тиймээс орон зай, цаг хугацаа, хэл яриа нь ямар ч хязгаарлах хүчин зүйл байж чадахгүй. Та үүний зарим жижиг хэсгүүдэд г.м хандах боломжтой болсонд нь баяртай байна! Миний үнэт эрдэнэ минь, өөртөө илүү их билиг ухааныг нээхийн тулд Арьяабалын бясалгалаа үргэлжлүүлээрэй! Та болон Малайзын сайхан сэтгэлт ард түмэн дотооддоо болон эргэн тойрондоо Тэнгэрийн амар амгаланг мэдрэх болтугай. Миний хайр ямагт тантай хамт!”