Түүний нарийн урласан бүтээлүүдээр амилсан ийм амар амгалан илэрхийллийг үзэх боломж олдсонд бид талархаж байна.

Тайвань буюу Формосагийн Тайпэй хотоос Чэнь-Ни-гийн мандарин хятад хэлээр илгээсэн сэтгэлийн үгийг олон хэлний хадмал орчуулгатай одоо хүргэе:

Сайн байна уу, Эрхэм Хүндэт Төгс Гэгээрсэн Их Багш Чин Хай болон Суприм Мастер телевизийн багийн гэгээнтнүүд ээ, би Их Багшийн гурван уран зурагтай холбоотой дотоод ахуй ойлголтуудаа Суприм Мастер телевизийн үзэгчидтэй хуваалцахыг хүсэж байна.

Нэг удаа Арьяабалын бясалгалын үеэр би Их Багшийн “Гэгээрэл” зураг руу нисэн орсон. Зүрх сэтгэл минь үнэнхүү нээгдэв. Шалган нэвтрүүлэх цэг мэт хаалганууд давхар давхраараа нээгдлээ. Энэ нь Ертөнцийн Диваажингийн Орнуудын нэг байсан байх.

Өөр нэг дотоод ахуй ойлголтдоо би Их Багшийн “Чулуун агуй” зураг руу нисэн орсон. Ертөнцийн тэр дүр зураг сүрлэг, амьд, нүд гялбам, сэтгэл булаам сайхан байлаа. Материаллаг ертөнцөд ийм зүйлийг харах боломжгүй.

Бас нэг удаа Арьяабалын бясалгалын үеэр би Их Багшийн “Диваажингийн цэцэгс” зурагт орсон. Нар жаргаж, өнгө өнгийн үдшийн үүлс тэнгэрийг бүхэлд нь улаанаар будсан байв. Хэдэн зэрлэг галуу-хүн тэнгэрийн хаяаг гатлан нисэж, цөөрмийн цэцэгс салхины аясаар уян зөөлөн найгаж байлаа. Мөн саарал туулай-хүмүүс энд тэнд үсчин харайж байв. Гялалзсан нүд нь тэдний амар амгалан, аз жаргалтай амьдралын гэрч мэт санагдсан. Энэ нь өөр нэг гарагийн дүр зураг байсан байх. Хүмүүс амьтан-хүмүүсийг хүндэтгэж, хайрлан халамжилж, махыг нь идэхгүй бол Дэлхий ч мөн диваажин болж чадна.

Би Их Багшийн зургуудыг худалдан авч, зочны өрөөний ханандаа өлгөсөн. Хөршүүд маань бүгд зочны өрөөг минь магтаж, уран зургийн галерей шиг үзэсгэлэнтэй гэж хэлсэн. Гайхалтай нь, зочлохоор ирсэн төрөл төрөгсөд маань ч эдгээрийг Ертөнцийн Орнууд болохыг ойлгосон. Их Багшийн уран зургууд хамаг төрөлтөнтэй ерөөл барилдлага тогтоож, харилцах арга замуудын нэг ажээ. Хүндэтгэсэн, Тайвань (Формоса)-ийн Тайпэй хотын авшигтан Чэнь-Ни

Бүтээлч Чэнь-Ни, Их Багшийн зураг бүр зүрхний гүн дэх энхрий, мөнхийн мэдрэмжийг үнэхээр сэрээдэг. Нам гүмд нь үл үзэгдэх зүйл харагддаг. Түүний нарийн урласан бүтээлүүдээр амилсан ийм амар амгалан илэрхийллийг үзэх боломж олдсонд бид талархаж байна. Та болон БУРХАН-д хайртай Тайвань (Формоса)-ийн ард түмэн сүнслэг гэгээрлээр ивээгдэх болтугай. Суприм Мастер телевизийн баг

Жич: Их Багш танд тусгайлан хариуллаа: “Хайрт, аз жаргалтай Чэнь-Ни, дотоодын үнэнийг эрэлхийлдэг хүмүүст Бурханлаг хязгааргүй гоо үзэсгэлэнгээ тоо томшгүй олон арга замаар илчилдэг. Хэрэв хүн бүр нигүүлсэхүйг тэтгэж, хамаг төрөлтөнд хайраа түгээвэл бид аз жаргалтай, Эден цэцэрлэг мэт дэлхийг бүтээж чадна. Одоохондоо, ядаж Аръяабалын бясалгалын гэр бүлийн БУРХАН-ы Шавь нар янз бүрийн аргаар дотоод Диваажинг таашааж чадна! Ертөнцийн уудам тэнүүнийг ухаарахын хэрээр бид үүнд агуулагдах билиг ухааныг илүү нээлттэй хүлээн авдаг. Та болон Тайвань (Формоса)-ийн хосгүй нутаг Тэнгэрлэг Гэрэлд мөнхөд гийх болтугай. БУРХАН таныг мөнхөд хайрлана.”