Таны чин сэтгэлийн бясалгал гэр бүлийн бүх гишүүнд тань ач тусаа өгч, Их Багшийн Хүч тэдэнд аль болох ихээр туслах боломжийг олгодог.

Австралиас Билли-гийн ирүүлсэн сэтгэлийн үгийг одоо хүргэе:

Сайн байна уу, Хамгаас Хайрт, Цаглашгүй Их Багш аа. 2025 оны сүүлээр аав минь бүдүүн гэдэсний хорт хавдартай гэж оношлогдсон. Аавыг эмнэлэгт хэвтэж байхад нь би өрөөнд нь Хамгийн Хүчирхэг Өдөр Тутмын Залбирал-ыг дахин давтан тоглуулах iPad тавьсан юм. Тэр хэдэн өдрийн турш хоол идэж чадахгүй байсан бөгөөд намайг очиж эргэхэд тэр: “Чи итгэхгүй байх, гэхдээ би Ассирийн мөргөлүүдийг байнга сонсоод байна” гэж хэлсэн. Би аль чихэнд нь сонсогдож байгааг асуухад тэр баруун чих гэж хэлсэн. Тэр ч байтугай эмнэлэгт хэвтэж байсан, наян хэдэн настай, бүрэн цагаан хоолтон ч биш миний аавыг хүртэл Та адисалж, халамжилж байна.

Миний аав Ассирийн гаралтай хүн. Ассирийн соёл нь Ойрхи Дорнодын эртний соёлын нэг юм. Тэд одоо тусгаар тогтносон эх оронгүй болсон бөгөөд дэлхий даяар тархан суурьшжээ. Хүнд үед нь аавыг минь тайтгаруулж, ивээсэн Танд маш их баярлалаа. Түүнийг эмнэлгээс гарснаас хойш би бас түүний гэрт iPad байрлуулж, Хамгийн Хүчирхэг Өдөр Тутмын Залбирал-ыг тасралтгүй давтан тоглуулж байгаа. Тэр голдуу веган хоол иддэг ч, зөнөх өвчтэй тул төрөл садан нь веган бус хоол авчирдаг. Бид үүнийг болиулахыг хичээдэг. Би түүнд БУРХАНЫ тухай олон удаа ярьж мөн залбирч, талархлаа илэрхийлэн, одоо болон өнгөрсөнд хийсэндээ харамсан, гэмшдэг бүхнийхээ төлөө БУРХАН-аас уучлал гуйж, өршөөл хүсэхийг сануулдаг.

Аавыгаа илүү сайн асарч чаддаг ч болоосой. Миний Цог Жавхлант, Гайхамшигт Аврагч, Цаглашгүй Их Багш минь, Та аавыг минь халамжилж, хамгаалан, ивээдэгт баярлалаа. Би Танд хайртай. Та намайг энэ дэлхийд урагшлах хүч өгдөг. Австралиас Билли

Сайхан сэтгэлт Билли, сэтгэлийн үгээ илгээсэнд баярлалаа. Их Багш танд энэрэнгүй хариу илгээлээ:

“Хайр халамжтай Билли, танд болон аавд тань тулгарсан энэ таагүй нөхцөлд чин сэтгэлээсээ харамсан, өрөвдөж байгаагаа илэрхийлье! Нөхцөл байдал дээрдэхийн төлөө БУРХАНД залбираарай. Бидний хайртай хүмүүс ялангуяа ахмад настнууд эрүүл мэндийн бэрхшээлээс болж зовохыг харах үнэхээр хэцүү байдаг. Цаг хугацаа өнгөрөх тусам бие махбодь доройтдог, ялангуяа бид амьтан-хүмүүсийн махыг үргэлжлүүлэн идсээр байвал бүр ч хүнд. Таны чин сэтгэлийн бясалгал гэр бүлийн бүх гишүүнд тань ач тусаа өгч, Их Багшийн Хүч тэдэнд аль болох ихээр туслах боломжийг олгодог. Хүн бүр БУРХАН-д харьяалагддаг, мөн хүн бүр БУРХАН-ы зүрх сэтгэлд оршдог. Энэ ертөнцөд туулдаг бэрхшээл, зовлон зүдгүүр нь БУРХАН-ы бид бүхнийг гэсэн Хайрыг хэзээ ч бүдгэрүүлдэггүй. Ихэнх хүн үүнийг ойлгодоггүй нь үнэхээр харамсалтай. Мунхаг, ойлголтгүй байдлын улмаас тэд өөрсдөдөө хор хөнөөлтэй үйлдлүүдийг үргэлжлүүлэн хийж, БУРХАН-аас өөрсдийгөө улам бүр холдуулдаг. Тун удахгүй хамаг төрөлтөн сэрж, ухааран веган болж, ингэснээр энэхүү утга учиргүй зовлон эцэс болно гэж найдъя. Та болон сүр жавхлант Австрали орон БУРХАН та бүхнийг зүрх сэтгэлдээ хэрхэн Энэрдгийг мэдрэх болтугай. Танд болон танай гэр бүлд тайтгаруулах халуун тэврэлт, асар их Хайр илгээе.”