Шинэ Оронд очсон дотоодын ахуй ойлголтоо Их Багшдаа тайлагнахыг хүсэж байна!

Хятадаас Ин-Рү-гийн мандарин хятад хэлээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Сайн байцгаана уу, Эрхэм хүндэт, Хайрт Их Эзэн БУРХАН Тим Ко Тү болон Суприм Мастер ТВ-ийн хамт олон! Шинэ Оронд очсон дотоодын ахуй ойлголтоо Их Багшдаа тайлагнахыг хүсэж байна! 2024 оны арван нэгдүгээр сарын 14-нд би дотоодоороо Шинэ Оронд очсон юм! Үүдэнд нь Аръяабалын бясалгалын авшгийн үнэмлэх шалгаж байсан нь ашрамуудтай тун адилхан санагдсан. Үнэмлэх шалгаж байсан Нэгэн нь Тэргүүн Тэнгэр элч Михаил байлаа. Би: “Та энд шилжиж ирсэн юм уу?” гэж асуув. Тэр: “Тийм ээ, Хаалгыг хамгаалахаар ирсэн!” гэв. Би: “Маш чухал үүрэг шүү!” гэж хэлэв. Үнэмлэхээ шалгуулж дуусаад шатаар өгсөн явтал дээр нь Их Багшийн асар том алтан зургийг залсан, эртний хятад хэв маягийн сүрлэг, гайхамшигтай барилга харагдав. Би өвдөг сөгдөн, хэдэнтээ бөхийн мөргөөд цааш үргэлжлүүлэн алхлаа. Тэгтэл Тэргүүн Тэнгэр элч Михаилтай дахин таарав; Тэр сүнснүүдийг жигнэж байв. Би жин дээр зогслоо. Сүнснүүд хөнгөн байдаг. Тэр намайг баруун талын 11 дүгээр өрөөнд орохыг хүсэв. Би 11 дүгээр өрөөний голд сөхрөн суулаа.

Хэсэг хугацааны дараа Их Багш дагалдагчдынхаа хамт орж ирэв. Их Багш асар их Гэрлийн биет байсан бөгөөд туяарч, сүр жавхлантай байв. Их Багш: “Та юу харж байна вэ?” гэж асуув. Би: “Өрөө бүхэлдээ Гэрлээр дүүрэн байна!” гэж хариуллаа. Их Багш: “Сайн байна” гэж хэлээд гарахаар эргэв. Гэвч би Их Багшаас салж чадахгүй мэт санагдсан. Их Багшийг гарахад би дагаж явлаа. Их Багш: “Та намайг дагаж болохгүй” гэж хэлэв. Би яагаад гэдгийг нь мэдэхгүй ч түгшиж эхлэв. Тэр мөчид дагалдагчдын дунд байсан Хүндэт Миларепа гараа сунган ямар нэг зүйл хамж авав. Тэгээд би нэг нь том, нөгөө нь жижиг хоёр гэрлийн биет салшгүйгээр хоорондоо наалдсан байхыг харав. Тэрээр Их Багшид: “Энэ хоёр Гэрэл бие биедээ харилцан татагдаж байна…” хэмээн айлтгав. Байрлах газраа төвхнөсөний дараа Их Багш есөн цагт гол танхимд ирнэ гэж надад хэлэв. Би тийшээ яаран очсон ч, суудал булаацалдсаныхаа төлөө хоёр удаа ташуурдуулсан. Үнэндээ, Дээд Ертөнцөд суудал булаацалдах бодол бүр огт санаанд ч орж байгаагүй. Гэхдээ би өмнө нь Шинэ Газрын ашрамд тэгж байсан юм. Шинэ Газрын ашрамд үүнийг хийсэн ч баригдаагүй байсан. Тиймээс Шинэ Ертөнцөд үүнийхээ төлөө шийтгүүлсэндээ ихэд гайхав!

Дараа нь Их Багш надад гурван дүрэм тогтоож өгөв: 1. Сахилгагүйтэхээ боль. 2. Аръяабалын бясалгалаа сайн хий. 3. Бурхадтай эв найртай бай!

Шинэ Оронд хэсэг бясалгасны дараа, сүнс минь өөр нэг давхар бүрхүүлээсээ салсан. Сүнслэг бие минь улам хөнгөн, илүү тунгалаг, гэрэл цацруулсан болсон. Би илүү амар тайван болж, алхаж байхдаа хөвж байгаа мэт санагдаж байлаа! Энэхүү ер бусын дотоод ахуй ойлголтыг хайрласанд баярлалаа, Их Багш аа! Хятадаас Ин-Рү

Баяр баясгалант Ин-Рү, Шинэ Орны тухай таны дотоодын ахуй ойлголт үнэхээр сэтгэл татам юм. Бидэнтэй хуваалцсанд баярлалаа. Та болон хөдөлмөрч хятад түмэн Тэнгэрийн Гэрлээр үргэлж ивээгдэх болтугай. Суприм Мастер ТВ-ийн хамт олон

Жич: Их Багш танд хайр дүүрэн хариу илгээжээ: “Аз жаргалтай Ин-Рү, таныг Аръяабалын бясалгалдаа ахиж дэвшиж байгааг мэдэхэд таатай байна! Энэ дотоод ахуй ойлголтоо сүнслэг замаар улам урагшлах түлхэц болгон ашиглаарай. Бардамнал, би үзэлдээ хэт автахгүй байхыг анхаараарай. Харин энэ ахуй ойлголт нь танд цаашид хүрэх ёстой гэгээрэл, дотоод өсөлт ч их байсаар байгааг ойлгуулахын тулд өгөгдсөнийг ухаараарай. Та болон уудам Хятад орон энх тайван, хөгжил цэцэглэлтийн аль алинаар ивээгдэх болтугай! Танд Хайр, Гэрэл илгээе!”