“Баярлагтунучир нь таны эрж хайж буй хөтөч, Багш танд илчлэгдэх болно” хэмээн эхэлжээ.

Иранаас Годси-гийн перс хэлээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Тэр бол бүх зүйл — Эхлэл ба Төгсгөл, Үзэгдэхүй ба Үл Үзэгдэхүй. MAПA-д мэндчилгээ болон хайраа илгээе. Бидний цорын ганц Нигүүлсэнгүй Төгс Гэгээрсэн Их Багш Чин Хай, Өө үзэсгэлэнт Эзэн минь, Таны өмнө би сөгдөн мөргөе. БУРХАНЫ Хайрын болон ТҮҮНИЙ мөнхийн Оршихуй миний амьдралд оршиж буй шинж тэмдгүүдийн талаар би Танд бичихийг хүслээ.

Ойролцоогоор долоон жилийн өмнө, би амьдралынхаа туйлын хүнд хэцүү үеийг туулж байхдаа, аялал жуулчлалын аяллын хүрээнд санамсаргүйгээр нэгэн сүмд очсон юм. Иранд, ялангуяа миний амьдардаг хотод сүмд очих нь маш хэцүү байдаг. Намайг тахилын ширээ рүү харж байтал нүдэндээ нулимстай, бишрэн хүндэтгэсэн байдалтай нэгэн эмэгтэй орж ирээд, зөвхөн талархал, баярласнаа шивнэн хэлж байв. Би түүн рүү ширтэн харж, түүний итгэл бишрэлийн гүн гүнзгий байдлыг атаархан биширч байв. Учир нь 18 жилийн өмнө дүүгээ алдсанаас хойш БУРХАНТАЙ холбогдох холбоо минь суларсан байсан юм. Тэр арагшаа алхаж байснаа гэнэт миний гараас атгаад, “Есүс Христээс хүссэн бүхнээ гуй. Тэр таныг хэзээ ч тусламжгүй, аргагүй байдал орхихгүй” гэв. Би лаа асаагаад, урьдын адил БУРХАНААС ӨӨРИЙГӨӨ надад илчлэхийг гуйлаа. Ингэснээр би ТҮҮНД дахин итгэж чадна гэж бодсон юм.

Хэсэг хугацаа өнгөрөв. Ялдагийн шөнө (Иранд Нар мэндэлснийг тэмдэглэдэг баяр) би Хафезын шүлгээр хувь заяагаа мэргэлүүлсэн юм. Шүлэг “Баярлагтун, учир нь таны эрж хайж буй хөтөч, Багш танд илчлэгдэх болно” хэмээн эхэлжээ. Тэгээд удалгүй би Таны жинхэнэ, үнэнч мөн амин хувиа хичээдэггүй шавь нарын Тань нэгээр дамжуулан Таныг таньж мэдсэн юм. Тэгээд Та зовж шаналж буй шавиа тэвэрч, өдөр бүр, хором бүр надад Ерөөлөө хайрладаг. Би Танд бүх зүрх сэтгэлээрээ талархаж байна. Мөн Хайрт Их Багшаа дурсан санах сэтгэлийн дурсгал болгон, ууланд байхдаа авсан тэнгэр болон Нарны зарим зургаа Танд илгээж байна. Таны даруу шавь, Ираны Годси

Эрхэм Годси, сэтгэлийн үгээ илгээсэнд баярлалаа.

Их Багш танд халуун дотно хариу илгээлээ: “Халамжтай Годси, амьдралын сорилт бэрхшээлүүд, ялангуяа эргэлзээ болон хүч мөхөсдөх мэдрэмжийг төрүүлдэг бэрхшээл, сорилтууд нь ихэнхдээ сүнслэг гүн гүнзгий өөрчлөлтөнд хүргэх үүд хаалга болдог. Учир нь тэр үед бид өөрсдийн би-гийн талаарх хуурамч төсөөлөлдөө түшиглэж чадахгүй болдог; бид БУРХАНД хандах ёстой. Энэ нь бидний чин шударга, үнэн сэтгэлийг улам гүнзгийрүүлж залбирал маань ихэвчлэн өөрийгөө бүрэн даатгасан жинхэнэ залбирал болдог. Олон шавь амьдралынхаа хамгийн хүнд, харанхуй үеүүдэд, яг таны адил Намайг олж ирсэн. Энэ бол бидний амьдралын үйлийн үр илрэн өрнөж буй үйл явц бөгөөд биднийг хувь тавилангаа биелүүлэхэд тусалдаг. Энэ насандаа БУРХАНЫГ танин мэдэх замаа олж, мөн үүнийг чин сэтгэлээсээ үнэлж, эрхэмлэдэг тань гайхамшигтай. Сайн дадуулан бясалгасаар, энэ харанхуй ертөнцөд өөрийн Гэрлээ цацруулж, БУРХАН танаар дамжуулан бусдад ТҮҮНИЙ хязгааргүй Хайрыг таниулахад тусалж чадах Үнэний гэрэлт цамхаг болоорой. Та болон Ираны үзэсгэлэнт ард түмэн Төгс Хүчит БУРХАНЫ Хайрыг ухааран сэрэх болтугай. Зүрхнээсээ таны зүрхэнд мөнхийн Хайраа илгээе. Ийм тансаг сайхан гэрэл зургууд илгээсэнд баярлалаа!”