ప్రకృతి మరియు జంతు మిత్రుల పట్ల అద్భుతం, 8 యొక్క 5 వ భాగం

మీకు తెలుసా, ఇది తమాషాగా ఉంది. మన చివరి వీడియోలో నేను వీడ్కోలు చెప్పిన తర్వాత, కాసేపు విరామం తీసుకుని, టెంట్ చుట్టూ ఉన్న కంచెకు తాళం వేయాలనే ఉద్దేశంతో నేను బయటకు వచ్చి, టెంట్ లోంచి బయటకు రావడానికి ప్రయత్నించాను. అప్పుడు నేను ఒక మిణుగురు పురుగును చూశాను. ఇది చాలా అందంగా ఉంది. నా ప్రాంతంలో వెలుతురు లేదు కాబట్టి మీకు బాగా కనిపిస్తుంది, ఎందుకంటే అది చీకటిగా ఉంటుంది. కాబట్టి ఆమె ఎలా ఉంటుందో మీకు చూపించడానికి నేను త్వరగా కొన్ని ఫోటోలు తీశాను. ఆమె ఒక మహిళ. పరిశోధన ప్రకారం, రెండు సంవత్సరాల వయస్సు తర్వాత, వయోజన దశలో ఈ పురుగులు ఇక ఏమీ తినవు. అంతేకాదు, అవి జీవించడం కొనసాగించగలవు, పిల్లలకు జన్మనివ్వడం వంటివి కూడా చేస్తాయి. వావ్, వాటికి నోళ్ళు లేవు. నోరు లేకుండా, ఆహారం తీసుకోని జీవిని మీరు నమ్మగలరా? అంత చిన్న పురుగుకు ఇది ఎంత అద్భుతమైన సృష్టి. చీకట్లో నా కెమెరా అంత బాగా పనిచేయదు, కానీ నేను ఆ పురుగు యొక్క ఆసక్తికరమైన పరిమాణం మరియు ఆకారాన్ని చిత్రీకరించాను. కాబట్టి నేను దాన్ని మీకు చూపించబోతున్నాను.

ఓహ్, అన్నట్టు, ఆమె నాతో, “ఇక్కడ శాంతి ఉంది, భయం కాదు” అని చెప్పడం విని నేను ఆశ్చర్యపోయాను. “ఇక్కడ శాంతి ఉంది, భయం కాదు.” రెండు సార్లు. అప్పుడు నేను, “ధన్యవాదాలు, దేవుడు మిమ్మల్ని దీవించుగాక, మీరు చాలా అందంగా ఉన్నారు” అని అన్నాను. నేను కొన్ని ఫోటోలు తీసుకోవచ్చా అని ఆమెను అడిగాను, ఆమె అనుమతించింది. ఫోటోలలో పురుగు ఆకారం అస్సలు కనిపించదు. మీకు ఆ వెలుగు కనిపిస్తుంది, అది రాత్రిపూట చాలా అందంగా ఉంటుంది. మరియు ఆమె... మరెక్కడికీ ఆమె వెళ్ళేది కాదు, కేవలం నా టెంట్ ప్రాంతానికి, నా టెంట్ తలుపుకు ఎదురుగా, నిజానికి నేను కంచె వేసిన ప్రదేశానికి ముందున్న పొదల పక్కనే ఉండేది – టెంట్ ముందు కేవలం నాలుగు చదరపు మీటర్ల చిన్న ప్రదేశంలోకి. దానివల్ల నాకు అటూ ఇటూ తిరగడానికి ఎక్కువ స్థలం ఉంటుంది, అలాగే లోపల చాలా వేడిగా ఉన్నప్పుడు బయట పని చేసుకోవడానికి, కొన్నిసార్లు ఆరుబయట ధ్యానం చేయడానికి కూడా వీలవుతుంది. ఏదైనా సురక్షితం కాదని సూచన ఉంటే తప్ప, ఎప్పుడూ టెంట్‌లోనే ఉండేది కాదు.

ఇలాంటి అనుభూతిని ఇచ్చినందుకు నేను దేవునికి కృతజ్ఞతలు తెలుపుకుంటున్నాను, ఎందుకంటే అంత చిన్న పురుగు నా గుడారం ముందు మెరుస్తూ నాకు శుభవార్త చెబుతుందని, అంతేకాక నన్ను ఫోటో తీయడానికి కూడా అనుమతిస్తుందని నేను అస్సలు ఊహించలేదు. నేను కొన్ని ఫోటోలను ఎడిట్ చేస్తున్నాను. వీడియో బాగుందో లేదో నాకు ఖచ్చితంగా తెలియదు, ఇది చాలా చిన్న వీడియో. ఎందుకంటే, నేను వీడియో కోసం పెద్ద లైట్ వేసినప్పుడు, అది భయపడుతుంది, అందుకే నేను వెంటనే దాన్ని ఆపేస్తాను. మరియు నేను ఆమెకు క్షమాపణ చెప్పాను. “క్షమించండి, మిమ్మల్ని, మీ అందాన్ని నా టెలివిజన్ ఛానల్ తెరపై చూపించి, మీకు ‘అమరత్వం’ చేకూర్చాలనుకుంటున్నాను అని నేను అన్నాను.” ఆమెకు దానితో ఏ అభ్యంతరం లేదు. బహుశా ఆమె తన తలపై అంత పెద్ద కాంతిని అరుదుగా చూస్తుందేమో. మరియు ఎవరో అక్కడ నిలబడి దేవుడికే తెలియాలి ఏమి చేస్తున్నారో. నేను ఈ అందమైన దృశ్యాన్ని చిత్రీకరించడానికి ప్రయత్నిస్తున్నాను. మీరందరూ ఆనందిస్తారని ఆశిస్తున్నాను. నేఆమెకు చాకృతజ్ఞతలు తెలుపుకుంటున్నాన.

అంత అందమైన జీవికి అంత శక్తి ఉండి అలా అందంగా మెరుస్తూ, అప్పుడప్పుడు ఫ్లాష్‌లైట్‌లా మినుకుమినుకుమంటూ ఉంటుంది, పైగా రెండేళ్ల వయసు నుంచి ఏమీ తినలేదు. మరియు ఆమెకు ఒక పేరు కూడా ఉంది. ఆమె పేరును DI అని రాస్తారు. అప్పుడు నేను, “అంటే నిన్ను నువ్వు ‘డై’ అని పిలుచుకుంటావన్నమాట?” అని అడిగాను. ఆమె, “లేదు, దీ” అని చెప్పింది. DI కానీ 'D' అని ఉచ్ఛరిస్తారు. నేను, “సరే, మిస్ డై, మిమ్మల్ని కలవడం చాలా సంతోషంగా ఉంది,” అన్నాను. క్షమించండి, నేను మీకు ఏమి తినాలో, నేను ఏమైనా ఇవ్వగలనేమో అని అడిగాను. మరి మీరు 'ఏమీ లేదు' అని చెప్పారు, అందుకే మీకు రాత్రిపూట ఆకలిగా ఉండదేమో అని అనుకున్నాను. కానీ తర్వాత, నేను ఇంటర్నెట్‌లో కొంత పరిశోధన చేయగా, మీరు ఏమీ తినరని తెలిసింది. మీరు రెండు సంవత్సరాల వయస్సు వచ్చే వరకు ఇతర పదార్థాలు తింటారు, ఆ తర్వాత నుండి ఏమీ తినరు. మరి ఆమె తన జాతికి, తనలాంటి జీవులకు సాధారణంగా ఎంతకాలం జీవిస్తుందని నేను ఆమెను అడిగాను. ఆమె, “సుమారు ఆరు సంవత్సరాలు” అని చెప్పింది. వావ్, అంత చిన్న జీవికి అది చాలా సుదీర్ఘమైన కాలం. అమ్మో, ప్రపంచంలో ఎన్నో సృష్టిలు ఉన్నాయి, కానీ వాటిలో చాలా వాటి గురించి మనకు తెలియదు.

నా గుడారం ముందు మిణుగురు పురుగును చూడటం ఇదే మొదటిసారి. మరియు ఆమె నేల మీద నిలబడి లేదా కూర్చుని, కొన్నిసార్లు తక్కువ కాంతిలో, కొన్నిసార్లు ప్రకాశవంతమైన కాంతిలో మెరుస్తూనే ఉంది. కొంతసేపు ప్రకాశవంతమైన కాంతి, ఆ తర్వాత కొంతసేపు తక్కువ కాంతి. వావ్, ఇది చాలా ఆసక్తికరంగా ఉంది. మీకు చూపించడానికి నేను ఆ ఫోటోలను నా బృందానికి పంపబోతున్నాను. నాతో పాటు అందమైన మిణుగురు పురుగును అనుసరించినందుకు ధన్యవాదాలు. అది నిజంగా ఒక అదృష్టంగా మరియు చాలా ఆసక్తికరంగా అనిపించింది. అంత చిన్న ప్రాణి ఒకటి నా ఇంటి తలుపు దగ్గరకు కూడా వచ్చి, “ఇక్కడ శాంతి ఉంది, భయం కాదు” అని చెబుతూ నన్ను ఓదార్చింది. అయ్యో దేవుడా, వాళ్ళు ఎందుకంత శ్రద్ధ చూపిస్తున్నారు, నా భావాలను అర్థం చేసుకుంటున్నారు? నేను నా గురించి కాదు, ఈ భూమండలం మొత్తం గురించే భయపడుతున్నాను. ఓ దేవుడా, అంత చిన్న జీవి. తినడానికి ఇష్టపడదు, నోరు ఉండదు మరియు ఆరు సంవత్సరాల వరకు జీవిస్తుంది. అద్భుతం, అద్భుతం.

ఓ దేవా, ఈ ప్రపంచంలో నాకు తెలియని ఎన్నో విషయాలను నాకు తెలియజేసినందుకు నీకు ధన్యవాదాలు. అలాంటి జీవి చాలా శక్తివంతమైనది, చాలా ఆసక్తికరమైనది చాలా మధురమైనది, అది ఎక్కడి నుండి వస్తుందో నాకు తెలియదు... నేను ఇక్కడికి వచ్చినప్పటి నుండి, ఈ మధ్యకాలంలో ఆమెను చూడలేదు. బహుశా, ఏప్రిల్ అనుకుంటా, ఏప్రిల్ కాదు, మే, జూన్, జూలై. నేను ఇక్కడికి వచ్చి సుమారు మూడున్నర నెలలు, లేదా మూడు నెలలు అయ్యింది. ఆమె లాంటి వారిని నేను ఎక్కడా ఎప్పుడూ చూడలేదు. నీకు అంతా మంచే జరగాలని కోరుకుంటున్నాను, నా అందమైన డి. ఈ జీవితంలోనూ, మీ పరిణామ క్రమంలో తదుపరి దశ ఎప్పుడు వచ్చినా దేవుడు మిమ్మల్ని ఆశీర్వదించుగాక. మీకు ఉత్సాహం, సంతృప్తి, ఆనందం మరియు జ్ఞానోదయం కలగాలని కోరుకుంటున్నాను. మరియు మీ భాగస్వామి ఈ రాత్రి లేదా ఏ సమయంలోనైనా మీలోని వెలుగును చూసి, మీకు తోడుగా ఉండటానికి, మిమ్మల్ని ఓదార్చడానికి, మీకు ప్రేమను మరియు ఆనందాన్ని ఇవ్వడానికి వస్తారని. దేవా, నీకు ధన్యవాదాలు. ఆమెన్.

సరే, నేను కేవలం నా సాధారణ టెలిఫోన్ ఫ్లాష్‌లైట్ మరియు కెమెరాతో రాత్రిపూట ఆమె వెలుగుకు సంబంధించిన కొన్ని అద్భుతమైన ఫోటోలను నా బృందానికి పంపాను. ఫ్లాష్‌లైట్ వెలుగులో ఆమె ఎలా కనిపిస్తుందో మీరు చూడటానికి నేను ఒక చిన్న వీడియో కూడా పంపాను. సాధారణంగా, ఆ చీకటి చతురస్రంలో మీకు ఒక చుక్క మాత్రమే కనిపిస్తుంది, కానీ ఆమె ఎలా ఉందో మీరు చూడటం కోసం నేను ఆమెపై ఫ్లాష్‌లైట్ వేశాను. కాబట్టి మీరు అడవిలో లేదా మీ తోటలో నడుస్తున్నప్పుడు ఆమె మీకు ఎప్పుడైనా కనిపిస్తే, దయచేసి ఆమెను రక్షించండి.

ఆమె ఒక అద్భుతమైన జీవి. మరియు దేవుడు నిజంగా ఎన్నో అద్భుతాలను సృష్టించాడు, వాటన్నింటినీ తెలుసుకునే అవకాశం మనకు ఎప్పటికీ లభించదు. దయచేసి వారందరినీ కాపాడండి. ఆమె చూడటానికి ఒక సాధారణ పురుగులా కనిపించినప్పటికీ, రాత్రిపూట మాత్రం ఎంతో అద్భుతంగా అందంగా ఉంటుంది. ఏమీ తినకుండా, నోరు లేకుండా, చీకటిలో మెరిసే అటువంటి అద్భుతమైన, అందమైన కాంతిని మీరు ఉత్పత్తి చేయగలరు. కాబట్టి ఆమెను గౌరవించండి, ఎందుకంటే ఆమె మీ పెరటిని, మీ అడవిని వెలిగించడానికి అలాంటి మరిన్ని మిణుగురు పురుగులను సృష్టిస్తుంది. మరియు కొన్నిసార్లు, ఆమె మీ ఇంట్లోకి కూడా వస్తుంది.

ఔ లాక్ (వియత్నాం)లో, మా అమ్మ నాకు కొన్ని అదృష్ట సంకేతాల గురించి చెప్పినట్లు గుర్తుంది – వాటిలో మొదటిది, అన్నింటికన్నా ఉత్తమమైనది, మీ ఇంట్లోకి మిణుగురు పురుగు రావడం. మరియు ఇక రెండవది, మీ ఇంట్లో ఆ ఎలుక మనిషి పళ్ళు కొరుకుతున్నప్పుడు. మరియు మూడవది ఏమిటంటే, మీ ఇంట్లోని నూనె దీపం, ఆ దీపం యొక్క వత్తి, ఆ నూనె దీపం, పాతది, పురాతనమైనది, ఆధునికమైనది కాదు... వియత్నాంలోని ఔ లాక్‌లో లేదా ఇతర ప్రాంతాలలోని కొన్ని గ్రామీణ ప్రదేశాలలో, వారు ఇప్పటికీ నూనె దీపాలను కలిగి ఉన్నారు. అలాగే, మీ ఇంట్లోని నూనె దీపం వత్తి పువ్వులాంటి ఆకారాన్ని ఏర్పరుస్తే, అది కూడా అదృష్టానికి సంకేతమే. కాబట్టి మొదటి సంకేతం, అదే ఉత్తమమైనది, మిణుగురు పురుగు మీ ఇంట్లోకి వచ్చి మెరవడం. రెండవది, మీ ఇంట్లో ఎలుక మనుషులు కిచకిచలాడుతున్నప్పుడు. మరియు మూడవది, నూనె దీపం వత్తి నుండి "పువ్వు" రావడం. కాబట్టి గుర్తుంచుకోండి, వాటిని కాపాడుకోండి, ఎందుకంటే అవి మీ ఇంట్లోకి వచ్చి మీకు అదృష్టాన్ని తీసుకురావచ్చు.

ముందుగానే ధన్యవాదాలు. మరియు ప్రపంచంలోని సమస్త అద్భుతమైన జీవుల కోసం మనం దేవునికి కృతజ్ఞతలు తెలుపుకుంటాము. మరియు వాటిలో ఏది కనిపించినా, వాటన్నింటినీ కాపాడటానికి మేము ప్రయత్నిస్తాము, అలాంటి కథ ఉన్న అంత చిన్న పురుగును కూడా, అమ్మో! మరియు చీకటిలో అలాంటి ప్రకాశవంతమైన వెలుగు! చాలా అందంగా ఉంది, చాలా అందంగా ఉంది. మీరు దాన్ని చూస్తే, దాన్ని పదిలపరుచుకోండి, ఎందుకంటే అలాంటి అద్భుతాలు ఇన్ని ఉంటే మన గ్రహం ఇంకెంతకాలం మనుగడ సాగించగలదో మనకు తెలియదు. దయచేసి వేగన్గా ఉండండి. దయచేసి శాంతి నెలకొల్పండి. ఇక మిగిలినది దేవుడు చూసుకుంటాడు. ఆమెన్. నేను మీ అందరినీ ప్రేమిస్తున్నాను. దేవుడు మనందరినీ ఆశీర్వదించుగాక. ఆమెన్.

Photo Caption: “అందమైన రాజ్యపు ప్రకటన”

ఫోటో డౌన్లోడ్ చేయండి