Дэлгэрэнгүй
Дэлгэрэнгүй уншаарай
2026 оны 1 сарын 28-ны лхагва гарагт бидний Хамгаас Халамжит Төгс Гэгээрсэн Их Багш Чин Хай (веган) гараг дэлхийн дэвшлийн төлөөх гүн даяан бясалгалаасаа өгөөмрөөр цаг гарган Их Багшийг дэлхийд хандан ярих хүсэлтийг биелүүлсэн юм. Тэрээр хүн төрөлхтөн улс орнуудын хоорондох дайн зогсож, дэлхийд энх тайван тогтохыг хүлээсээр байгаа ч бидний эргэн тойронд өдөр бүр далд явагдаж буй аллагыг таслан зогсоохгүй бол энэ нь боломжгүй гэдгийг тайлбарласан юм.Бүгдээрээ сайн байцгаана уу, эрхэм хүндэт сайн сүнснүүд минь? Та бүхэн намайг дэлхий дахинд хандан яриач гэж хүсэлт тавьсан. […] Та бүхэн Бурханы шавь нар минь учраас за, би чадлаараа хичээе. […]Бид энх тайвны төлөө залбирч, энх тайвны хэлэлцээр хийгээд байгаа ч үнэхээр удаж байна, одоо ч тогтоогүй л байна. Энх тайван хараахан бүрэн тогтоогүй байна. Энх тайвныг нутаг дэвсгэр, эд хөрөнгөөр наймаалан, яг л бизнес хийж буй мэт хэлэлцэж, газар нутаг, аливаа өмч хүний аминаас илүү үнэтэй мэт байх юм. Тиймээс тохиролцоо хийгээд л алаад л, өөрсдийнхөө хүмүүсийг, хөршийнхөө хүмүүсийг хороосоор байна.Ай, иргэний болон шашны удирдагчид аа, та нар ард түмнээ хаашаа хөтөлж байна вэ?! Тэд та нарт итгэж байна, харин бид хаашаа явж байна вэ? Тэгэх зуураа та нар ширээн дээрх юу хамаагүй амьтан-хүмүүсийн заваан сэг зэмийг хээвнэг идэж, энэхүү аллагын үйлдвэрлэлд өдөр бүр тасралтгүй оролцож, жигшил ч үгүй, өчүүхэн ч гэмшил мэдрэхгүй байна. Тэр бүү хэл үхлийн цустай, өмхий үнэрийг таашааж байна! […]Хэрэв та нар мэдээгүй бол, эсвэл мартчихсан бол би сануулъя: Жил бүр ойролцоогоор 73, илүү ч байж мэднэ, 73 сая хүмүүн үхдэг. Энэ нь өдөрт ойролцоогоор 200 мянга юм! Харин энэ талаар ямар ч арга хэмжээ авдаггүй, авсан ч маш бага. […]Хэрэв хүмүүс өөрчлөгдөхгүй буруу замаар явсаар байвал тэд хэзээ ч очихыг хүссэн зөв газраа хүрэхгүй.Хэрэв тэд энэ дэлхийн аллагын тогтолцооны нэг хэсэг болсоор байж, үүндээ татвар төлсөөр байж, мөн засгийн газар нь юу ч хэлэхгүй, удирдагчид нь тэдэнд зөв зам мөрийг заахгүй бол бид дайтсаар эцэст нь бүх зүйл сөнөж, энэ дэлхийгээс юу ч үлдэхгүй болно! Тэр өдөр хэний ч таамаглаагүйгээр тийм хурдан ирж магадгүй. Олон хэсэг нь аль хэдийн сүйрч, дахин сэргээгдэх боломжгүй болсон, цаашид ч анхааруулгагүйгээр улам олноороо сүйрнэ! Ээ, БУРХАН МИНЬ, БИДЭНД ТУСЛААЧ ДЭЭ!Одоо бид хэвлий дэх үрстэйгээ өдөр бүр дайтсаар байна. Эцэг эхчүүд өөрсдийнхөө мах цусны тасархай, хэвлий дэх нялх үрстэйгээ дайтаж, бид бүгд хаа сайгүй амьтан-хүмүүс гэх мэт гэм зэмгүй бүхнийг хөнөөж байна. Тэгээд нэг л өдөр энэ дэлхийд нэг ч ариун, гэмгүй төрөлтөн байхгүй болж, зөвхөн харгис хорон муу, зальхай төрөлтнүүд л үлдэнэ. Зөвхөн харанхуй энерги бүх дэлхийг нөмрөн үлдэнэ! Улмаар бид хүссэн шигээ хэзээ ч амар амгалан, элбэг хангалуун, эв найртай, аюулгүй болохгүй.Тэр өдөр бүхий л Тэнгэрлэг хамгаалагчдын гар энэ дэлхийгээс бүрэн татагдана. Учир нь мөчлөг тодорхойгүй хугацаанд төгсөнө. Сайн сүнснүүд өөр өөр Диваажинд дэвшин очно, харин нүгэлтнүүд өөр өөр тамын шийтгэл рүү унаж, үүрд шаналал, туйлын зовлон, айдас дунд хүлээнэ… Хэн ч мултрахгүй! Хэтэрхий оройтно, хэтэрхий оройтно!!! Үүнийг бодох төдийд л үнэхээр тэсэхийн аргагүй шаналалтай... […]Нядалгааны газрууд улс орнуудыг хэрхэн мөхөөж буй тухай, нууцыг задалсны төлөөх Их Багшийн үйлийн үрийн төлөөс, дэлхийн болон шашны удирдагчдад өгсөн Түүний зөвлөгөө зэргийг үргэлжлүүлэн үзээрэй.Бүх юм дижитал болсон энэ дэлхийд дасан зохицох гэсэн Их Багшийн бэрхшээлийн тухай, Испанид төөрсөн тухай Түүний түүх болон засгийн газрын ямар төрлийн хуулиуд логикгүй байгаа талаар сонсохыг хүсвэл 2026 оны 2-р сарын 9-нд Багш шавийн шүтэлцээгээр бүтэн эхээр нь хүлээн аваарай.
