Дэлгэрэнгүй
Татаж авах Docx
Дэлгэрэнгүй уншаарай
Ерөнхийлөгч Трамп Таных шиг их мөнгө надад байхгүй ч гэлээ би өөрийнхөө мөнгөөр, мөн шавь нараараа дамжуулан Украин (Урейн)-д чадах чинээгээрээ өгдөг. Түүгээр ч барахгүй бид Украин (Урейн)-д веган ресторан нээхийг дэмждэг. Ингэснээр тэндээсээ бусад хүмүүст, бүх цэргүүдэд болон дайны хохирогчдод туслах боломжтой. Маш даруухнаар, өчүүхнээр ч атугай бид үргэлжлүүлсээр байгаа. Энэ бүх хүмүүнлэгийн дэмжлэгээс болоод мэдээж ахиад өөр тагнуулууд намайг тагнах болсон, одоо ч тагнасаар. Би аюулгүй биш! Урьдынхаас ч илүү аюулд байгаа. Бараг л орон гэргүй болсон! Миний өмнө нь амьдардаг байсан газарт ямар ч анхааруулга, ямар ч шалтгаангүйгээр моддыг тайрсан! Тэнд амьдарч байгаа манай хүмүүсийн өмнө гэх гэсэн юм! Миний амьдарч байсан газрын ойг шатааж эхэлсэн.Тиймээс би Путины төлөө хүн биш. Европын зарим нэг удирдагч тэгж бодож байж магадгүй юм. Үгүй шүү, 100% үгүй, 1000%-иас дээш үгүй гэнэ. Дайн хийсэн хэнийг ч би дэмжихгүй. Хэн дайн өдөөнө вэ тэр миний ч, ард түмний ч дайсан. Учир нь тэд гэм зэмгүйчүүдийг алж хөнөөхийг зүрхэлж, энэ нь дэлхий дахинд нөлөөлөн, хоол хүнс, тээвэр харилцаа, амар амгалан амьдралд нь ихээхэн асуудал үүсгэсэн. Олон хүний хувьд амьдрал хэдийнээ хүнд байна шүү дээ! Гэтэл юуны төлөө дайтна вэ??? Хүмүүсийг унтаж ч чадахгүй, сайн хооллож чадахгүй, ажлаа ч хийж чадахгүй, хайртай хүмүүсийнхээ араас эмгэнэн гашуудахад хүргэж байна. Олон сайхан орос залуучууд, тухайлбал, Украин (Урейн)-ы залуу сайхан эрчүүд, эмэгтэйчүүд үхэх ёстой болж байна. Юуны төлөө гэж?! Улс орныг бүхэлд нь эзэлж чадлаа гэхэд булшиндаа юуг авч орох юм бэ? Нөгөө тийшээ явлаа гэхэд сүнсээ хаашаа явж буйг мэдэхээсээ ч өмнө задран бутарч, үгүй болно.Би зөвхөн энх тайвны төлөө байна. Тиймээс Ерөнхийлөгч Трамп Таны дургүйцлийг ямар нэг байдлаар хөдөлгөсөн бол өршөөгөөрэй. Би 100% Таны төлөө. Гагцхүү энх тайвны асуудал бол асар үйлийн үртэй хариуцлага юм. Энх тайвныг зохицуулахыг хүссэн хэн бүхэн яг л түүхий өндөг атгасан мэт болгоомжтой хандах ёстой. Би үнэхээр энх тайвны төлөө, хэдийгээр би Энэтхэг номд, “Бхагавад Гита” буюу “Бурхдын Дуулал” хэмээх эртний номд дуртай ч тэднийг тэр номоос ахиж бүр юу ч ишлэхийг зөвшөөрөхгүй байгаа. Өмнө нь ишлэдэг байсан юм. Тэднийг надаас асуухад Бхагавад Гитагаас заримыг нь авч байгааг мэдээд “Битгий” гэж хэлсэн. Учир нь Бхагавад Гита-д Аржунагийн Их Багш түүнийг дайснуудтайгаа дайтахыг ятгаж, уриалдаг. Дайснууд нь бас өөрсдийн гэсэн их багш, найз нөхөд энэ тэртэй.Хэдийгээр Бхагавад Гита нь миний Ганга Мөрний дэргэдэх дэлгүүрт орж олж авсан анхны ном ч гэлээ би ахин үүнийг сурталчилмааргүй байна. Тэр дэлгүүрт тэд надад тийм ном нь дууссан гэж хэлсэн. Гэтэл маргааш нь над руу залгаад, “Та яаж мэдээ вэ? Агуулахын өрөөнд нэг хайрцагтай байсан байна, бид мэдсэнгүй. Одоо Та худалдаад авч болно.” гэв. Тэд их гайхсан. Намайг далдын хүчтэй гэж л бодсон. Би яаж юмсыг харж чадах вэ? Учир нь би тэднийг ятгаад байсан юм. “Би харсан даа. Тийм ном өмнө нь би харж байгаагүй, гаднаа ийм өнгөтэй, ийм тийм бичигтэй, ийм хэмжээтэй” гэж хэлсэн. Жижигхэн ном байсан юм, жижгэрүүлсэн хэлбэр нь. Энэ номыг өмнө нь хараагүй байж яаж энэ бүхнийг мэднэ вэ гээд тэд их л гайхаж байв. Би, “Би саяхан харсан, та нарт байгаа гэж бодсон юм. Тийм учраас би худалдаж авахаар ирлээ.” гэсэн. Тэд, “Үгүй ээ, тэр үед байгаагүй. Бид ч хайсан, Та ч хайсан, Та энд тэндгүй хайсан ч агуулахыг шалгах хүртэл тэнд юу ч байгаагүй. Одоо Та авч болно.” гэсэн.Үүнээс болоод тухайн үед дэлгүүрт байсан нэг үйлчлүүлэгч миний алгыг уншихыг хүсэж, намайг дөрвөн жилийн дараа Будда болно гэж зөгнөсөн, “Дөрвөн жилийн дараа Та төгс Будда болно. Тэр үед Та дөхөж байна.” гэж хэлсэн. Тэд гарын алгыг минь уншихыг хүссэн ч би татгалзсан. “Надад төлөх мөнгө байхгүй, эрхэм ээ, бас үүнд нэг их итгэдэггүй.” гэж хэлэхэд тэд, “Үгүй, үгүй, Та ямар ч мөнгө төлөх шаардлагагүй. Таны аураг харсан болохоор би зүгээр л сонирхсон юм. Таныг хэн болохыг бас яагаад гэдгийг л мэдэх гэсэн юм.” гэв. Тэгээд тэр миний алгыг уншаад дөрвөн жилийн дараа төгс Буддын хутагт хүрнэ гэж зөгнөсөн, тэр үед би хараахан Будда болоогүй байсан гэсэн үг. Гэсэн ч тэдний нэг нь миний шавь болохыг хүссэн, - тэр номын дэлгүүрийн эзэн нь. Би ямар ч Их Багш энэ тэр байгаагүй. Тэр үед Бурхан надад намайг Их Багш болно гэж хэлээгүй байсан.Энэ Ришикешт Ганга Мөрний эрэгт болсон явдал. Эртний олон Их Багш нар Энэтхэгт очиж байсан болохоор би тийш явсан юм, Будда ч бас тэнд байсан. Биас хэмээх нэг том алдартай системийн нэг агуу Их Багш нь бас тэнд бясалгахаар очсон. Мөн Сант Кирпал Синг Жи гэх мэт агуу Их Багш нар бас тэнд хэсэг хугацаанд бясалгахаар очиж байв. Тиймээс эртний агуу Их Багш нарын үлдсэн энергиэс жаахныг хүртэхийг хүссэн учраас тэнд бясалгахаар очсон юм. Дээрээс нь өдөр бүр Ганга Мөрөн рүү явж бясалгал хийн Тэдэнд хүндэтгэл үзүүлэхийг хүссэн юм. Томоохон үер болоход би Ганга Мөрний голд живэхээ шахсан. Азаар Бурхан намайг хамгаалж, би амьд эсэн мэнд гарсан. Энэ их урт түүх.Энэ бүхэн нь би үнэхээр энх тайвныг хүсэж буйн бяцхан баталгаа болог гэж үүнийг Танд ярьсан юм. Би Ерөнхийлөгч Трамд Тантай хамт шүү. Та яагаад эцэст нь ерөнхийлөгч Зеленськийтэй тийм ч найрсаг байгаагүйг би мэднэ. Учир нь Таны сэтгэл маш бадрангуй, энх тайван аль өчигдөр тогтсон байхыг хүсэж буй. Гэхдээ хүн бүр өөрийн гэсэн бодолтой, өөрийн гэсэн асуудалтай, өөрийн гэсэн нөхцөл байдалд байдаг. Тиймээс ерөнхийлөгч Зеленськийг ойлгон, Та тэр чигтээ түүний буруу гэж бодож байсан ч түүнийг уучилчих. Түүнд бас өөрийн гэсэн асуудал, өөрийн гэсэн бодол байгааг Та мэднэ. Иймд бид эвлэрэх л хэрэгтэй. Хэдийгээр Та энх тайвныг ихэд хүсэмжилж, энхийн төлөө цөхрөнгөө баран, дайны хохирогчдыг маш их өрөвдөж, энхийг тогтоохоор ямар ч хамаагүй аргаар шахалт үзүүлэхийг хүсэж байгаа ч бид найрамдал, олон улсын хамтын нийгэмлэгийн эв эеийг, тухайлбал Америкийн эргэн тойрон дахь бусад улсыг золиосолж болохгүй. Учир нь ингэвэл бас нэг дайн дэгдээх болно. Энэ нь Таны зорилгыг үгүй хийнэ, Ерөнхийлөгч өө, гуйж байна. Танд олон сайн зөвлөх байдгийг би мэднэ. Харин би хэн ч биш. Гэхдээ би ч гэсэн үзэл бодлоо илэрхийлэх эрхтэй. Надад ч бас Танд... Танд туслахыг хүсэх, Америк улс дэлхий дахинд туслаасай гэж хүсэх эрх бий.Мөн ерөнхийлөгч Зеленський дайтаж буй улсын төрийн тэргүүний хувьд гурван жилийн дайнд бие нь тамирдан туйлджээ. Тиймээс тэр өмнөх хэдэн шөнө нь унтаж чадаагүй, эсвэл фронтын шугам, үгүй бол амиа алдах цэргүүд, байлдааны стратегид тулгарсан саад тотгор гээд олон асуудалтай байсан байж магадгүй. Дээрээс нь тэр хаа байсан Европоос Америкийг зорин ирсэн. Энэ бол маш хол зам. Тэр онгоцонд сайн унтаж чадаагүй, чимээ шуугиантай байж, толгойд нь олон асуулт эргэлдэн, маш их санаа зовсон биз ээ. Тиймээс тэр өөрийн мэдэлгүй тэсэрсэн байж магадгүй юм.Та өөрийгөө Түүний оронд тавин, төсөөлж байж л байдлыг ойлгоно. Одоо Украин (Урейн)-ыг ерөнхийлөгч Зеленський төлөөлж байгаа тул түүнийг уучилж, Украин (Урейн)-тай эвлэрэхийг Танаас гуйя. Та Европ болон Украин (Урейн)-д санаа тавихаа болих эсэх талаараа хэдийнээ эргэлзэж байгаа гэдэгт би итгэлтэй байна. Хэдхэн өдөрт хийчихгүй ч гэлээ Та энх тайвны төлөө хүн учраас харсаар байж, хүмүүсийг үхүүлээд байж чадахгүй гэдгийг би мэднэ. Хувийн үзэл бодол, маргаанаас илүү энх тайван чухал. Ерөнхийлөгч Зеленський ч үүнийг хэдийн ухаарсан гэдэгт итгэлтэй байна.Украин (Урейн) улс Америктай харьцуулахад жижиг, тийм ч баян биш, хүчирхэг биш ч та хоёр хоёулаа өөр өөрсдийн үзэл баримтлалдаа үнэнч эрчүүд. Гэхдээ Украин (Урейн) бол сая сая хүн ам аж төрдөг улс шүү дээ. Уг нь тэд их тайван ард түмэн. Газар тариалангаа эрхлээд л байж байдаг. Газар тариалан бол хүн төрөлхтөн бидэнд Бурханаас хайрласан ажил юм. Гэвч өнөө үед олон хүн үүнийг хийдэггүй, ялангуяа олон талбай янз бүрийн шалтгааны улмаас хоосон, эзэнгүй үлдсэн байдаг. Учир нь уур амьсгалын өөрчлөлт, дэвшилтэт технологи, хот газрын илүү сайн ажлын байр гэх мэтээс болоод тэр. Гэтэл Украин (Урейн) тариалангаа хичээнгүйлэн, үнэнчээр үргэлжлүүлэн тариалах болно. Одоо ч газар тариалангийн бүтээгдэхүүнээ экспортолж байна. Дэлхийд дөрөв, тав дахь нь гэж би боддог шүү. Төсөөлөөд үз дээ, ийм жижиг улс. Маш олон улс орон үнэхээр Украин (Урейн)-ы тариаланчдад найдан, тэдний тариалангийн бүтээгдэхүүнээр өдөр тутмынхаа амин зуулгыг залгуулдаг.Тиймээс энэ бүх хүний төлөө Ерөнхийлөгч Трамп Та зорилгодоо л анхаарлаа төвлөрүүлэн, тэвчээртэй байгаарай. Ерөнхийлөгч Зеленськийд юу ойлгуулахыг хүсэж байгаагаа тайлбарла. Олон хүн заримдаа ямар нэг зүйл хийж, эсвэл Танд бодсон санаснаа хэлэхэд нь харин Та түүнийг нь авцалдаагүй зүйл, эсвэл арга мэх байх гэж бодоод ойлгохгүй байх үе бас гардаг байх. Ерөнхийлөгч Зеленський хэдийгээр Таныг хүндэлж, америкчуудыг хүндэлдэг ч Орос улсыг урваснаас хойш хэнд ч хэзээ ч итгэхэд бэрх болсон байх. Юу гэх гэснийг минь ойлгож байна уу,эрхэм ээ? Та энэ бүхнийг мэдэж байгаа байх гэж бодож байна. Гэхдээ Та илүү их анхаарал хандуулж, миний хэлж буй энэ бүх зүйлийг сайтар тунгаан бодох завгүй байгаа тул би Танд үүгээр сануулах л гэсэн юм. Миний санал бодол таашаалд Тань нийцэхгүй гэж бодож байвал намайг уучлаарай. Гэхдээ үүнийг анхаарч үзээрэй. Энх тайвны төлөө, Украин (Урейн)-ы энх тайван байдлаас амьдрал нь хамаарч, гэр бүл, үр хүүхдүүдээ асран халамжилж буй бүх хүний сайн сайхны төлөө миний яриаг анхаарч үзээрэй. Миний яриаг зүгээр л бодоод үзээрэй. Энх тайвныг эрхэмлэдэг, энх тайвны төлөөх Таны хүсэл тэмүүллийг дэмждэг жирийн нэгэн эмэгтэй байна.Photo Caption: Анхны Хавар Ичингүй Хайртай Мэндчилж Эргэн Тойрноо Угтан Авна!
