Дэлгэрэнгүй
Татаж авах Docx
Дэлгэрэнгүй уншаарай
Өнөөдөр Роберт Пауэллын танилцуулсан “Петр Дыновын (Бейнса Доуно) зөгнөл”-д багтсан “Өөрийн хүмүүс – Славян гэр бүлийн болгар хөвгүүдэд хүргэх дуудлага” (1898) болон “Хуучирсныг устган арилгах нь” (1944) хэмээх хоёр гүн утга санаа бүхий лекцээс түүвэрлэн хүргэх болсондоо бид баяртай байна. Өөрийн хүмүүс – Славян гэр бүлийн болгар хөвгүүдэд хүргэх дуудлага (1898) “Хүчийг минь та нар мэдрэх үед цаг нь ирсэн байна, мөн намайг хууран мэхлэхийн аргагүй Бурхан болохыг та нар мэдэх болно, гэвч та нар сайн тань хаана нуугдаж байгааг хардаггүй мугуйд үндэстэн билээ”. Та нарын сүнсний сул тал бол нэгдлийн ерөнхий дутагдал, санал зөрөлдөөн бөгөөд энэ нь Славян гэр бүлийн ариун учир шалтгаанд саад учруулдаг, гэсэн ч Намайг илгээсэн Түүний үйл хэрэгт би итгэл бишрэлтэй. Түүний хувьд саад тотгор, бэрхшээл үгүй. Түүний хүсэл зориг мөнхийн, мохошгүй, Түүний хэлсэн бүхэн биелэх болно, гэхдээ, та нарын цаг үед биш цөлд израйльчууд шиг та нар нуруугаа харуулбал тэдэнтэй адил мохоо сэтгэл, итгэл үнэмшилгүйн улмаас ясаа тавих болно. […] Өнөөдөр тамын хор хойш тавигдаж, үйл явдлууд өөр явцтай болж байна, тулааны талбарт тамын хүч тэргүүлэх үүргээ алдаж байна; Бурханы Амар амгаланг бусниулагчид хаа сайгүй шийтгэгдэх болно, Түүний шударга ёс Дэлхий дээр дахин тогтнох болно. Миний байгуулах эзэнт улс бол үзэн ядалтын бус харин хайрынх байх болно; нүдээ нээгээд ертөнц ургацаа хураахад бэлэн болсныг харагтун. Удахгүй би өөрийн Бурханлаг үгсийн үнэнийг нотлох болно. Ахин нэг агуу үйл болоход бүх зүрх дагжих болно, мөн ертөнцийн талаарх таамгууд нэг мөсөн үгүй болно. Өгөөмөр сэтгэлийнхээ тэмдэг болгож Диваажин танд та нарын хооронд хадгалагдах агуу өршөөл, хайрын амлалт өгсөн, хариулт өгсөн өдрөөс эхлэн чөлөөлөлт чинь эхлэх болно; миний байгуулж буй зүйлийг устгах бус хамгаалахыг би та нарт анхааруулж байна, учир нь энэ ариун дагшин, хэрэв зүй бусаар авирлавал, та нарт гурван хорон мууг би илгээнэ: өлсгөлөн, тахал мөн сүйрэл, би та нарыг өршөөж нигүүлсэхгүй, Бурханы хэлснийг та нарт мөнхөд сануулахуйцаар би та нарыг шүүх болно. Миний үгийг санагтун. Та нарт өгсөн Амлалтад минь та нарын ирээдүй оршино; энэ бол танай гэрийн өв, танай гэр бүлийн итгэл найдвар, амьдрал юм. Славян гэр бүл, намайг сонсогтун, хэлсэн үгийг минь гэрчлэгтүн. Одоо би та нарт хандаж байна, миний үйлчлэгчид, удирдагчид, багш нар мөн бичээч, хувраг, сүсэгтний дүр эсгэгчид та нарт, миний та нарт итгэсэн хүмүүсийг минь бүү завхруул гэж би та нарт тушааж байна. Хорон муу замаас холдоцгоо, Миний хүмүүсийг үнэний замаар хөтлөх, тэднийг төөрөгдүүлэхгүй байх, зовж гуньсан аргагүй байдалтай хүмүүст туслах, ядуусыг хохироохгүй байх цаг ирснийг та нар тунгаан бодох цаг ирлээ. Хууль ёсгүй байдлаа хал, шударга бус байдлаа орхи, гажуудлаа ардаа үлдээ, учир нь Бурхан нүднийх нь өмнө хийгдэж буй эдгээр чөтгөрийн үйл хэргийг цаашид харж тэвчихгүй. Түүний тэвчээр барагдсан. Энэ үйл олон хорон мууг эцэслэхээр би дуудагдсан. Цаг байгаа дээр нь үүнийг анхаар, учир нь намайг хайхад оройтсон байх мөч айсуй; энэ тухай тунгаан бод, дур зоргоороо та нарыг нөмөрч буй итгэл бишрэл дутмаг байдал нь сайн зүйлийг та нарт авчрахгүй. Та нар хүн ард минь болсон цагаас хойших энэ бол миний өөрийн нүдээр та нарын байр байдлыг хэрхэн амьдарч байгааг харахаар ирсэн хоёр дахь ирэлт бөгөөд энэ гунигтай дүр зургийг хараад сэтгэл минь цочирдлоо. Хөөрхийлөлтэй та нар, олж авсан бүхнээ: амьдрал, суу алдар, нэр төрөө та нарын төлөө золиосолсон байхад; Миний сайн сайхан, хайрыг та нар буруугаар ашиглалаа. Нүдний минь өмнө та нарын хэрцгий хандаж, дээрэмдэж тоносон үй олон аз жаргалгүй ах, эгч дүүс тань зогсож байна. Тэдэн рүү очиж, гэмээ наманчилж, хөрштэйгөө энх тайвныг цогцлоогтун. Ирэх өдрөө би та нарт өөрийгөө Өөрийн бүрэн сүр жавхлангаар илчилнэ, тэр өдөр гунигийн бус баяр баяслын өдөр, Эзэн Бурханд минь зориулагдах өдөр байгаасай гэж би хүсэж байна. Би бол Элохил, Эзэн Бурханы Гэрээний Тэнгэрийн Элч. (1898 оны 10-р сарын 8-д Варна, Болгар-т холбогдов)” Хуучирсныг устган арилгах нь, (1944) “Сансар Огторгуйгаас Шинэ Давалгаа, Бурханлаг Хайрын Долгион айсуй. Үүнийг мөн ‘Галын Долгион’ гэдэг. Энэ Долгион хүчирхэг хэлбэлзэлтэй учир хүн бүр тэсвэрлэж чадахгүй. Энэ шалтгаанаар Бурханыг бүхнийг залгигч Гал гэдэг. Энэ Долгионы хэлбэлзлийг тэсвэрлэхэд бэлэн, энэ Долгионыг хүлээн авахад бэлэн хүмүүс гэрэл цацруулна. Харин тэдгээрийг тэсвэрлэж чадахгүй хүмүүсийн хувьд тэднийг залгих эсвэл асар их зовлон учруулах Гал нь байх болно. Энэ нь тэднийг сэрээж, Хайрыг хүлээн авахад бэлдэнэ. Энэ шалтгаанаар энэ айсуй Хайрын Долгионыг мөн Бурханлаг Гал гэж нэрлэдэг. Хуучин, ариун бус бүхэн түүнд шатах болно. Хүн төрөлхтөн энэ Бурханлаг Галыг дайран өнгөрөхөд Бурханы Эзэнт Улс Дэлхийд ирэх болно. Би хэлнэ: Хайрын Гал ирэхэд зарим хүмүүс гэрэлтэж, зарим нь шатаж, наманчлалыг дайран гарна. Өнөөдөр, та нар өөрсдийгөө Амьдралын агуу үе шатанд байхыг харна. Их удалгүй та нар Гал дундуур өнгөрч байгаагаа мэдрэх болно. Та нарын амьдралын цаг үед тохионо. Энэ Галын Долгион удахгүй энэ ертөнцийг дайран өнгөрч түүнийг ариусгах болно. Бүх хүмүүсийн бодол, хүсэл энэ галыг дайран гарч хамгийн төгс замаар ариусах болно. Агуу Амьдрал та нар руу нэвтэрч, та нар хувирсан байх болно. Дархан хүн төмрийг төгөлдөржүүлэхийн тулд галд тавьдаг шиг Агуу Оюунлаг Ертөнц Галаар дамжуулж биднийг ариутган, зөөлрүүлэх болно”.
