Агуу Сүнслэг Төлөвлөгөө дэх манай гаргийн өнөөгийн байдал, лекцийн 4-ийн 4-р хэсгийг

Та бүхэн ядаж заримдаа үүнийг (Диваажинг) өчүүхэн ч болов мэдэрч, Диваажин үнэхээр байдаг гэдгийг мэдээсэй гэж би чин сэтгэлээсээ хүсэж байна. Гэхдээ там үнэхээр оршдогийг мэдүүлэхийн тулд та нарыг тамд очоосой гэж би хүсэхгүй. Аа, энэ бол БУРХАНЫ Ивээл. Хэн нэгэн клиник үхэлд орж, Диваажинд очиж, эсвэл Эзэн Есүсийн хамгаалалттайгаар бүр тамд очвол тамыг, эргэн тойрныхоо зовлонг харж чадна, гэхдээ түүнд өртөхгүй.

Америкийн сайд, Санваартан Валери Картер өөрийн болон эгчийнх нь хуваалцсан бие махбодоос гарч, тэнгэр элч болон Эзэн Есүс(цагаан хоолтон)-ээр замчлуулан, Диваажин, тамд очсон тохиолдлоо хуваалцаж байна. 1981 онд зургаан настай Валери есөн настай эгч Хэдерын хамт [АНУ-ын] Бэй Ареа дахь орон сууцандаа унтаж байжээ. Хоёр охин тэр ням гарагт сүмд үймүүлсэн хэргээр сахилгын шийтгэл хүлээсэн байв. Тэд гэмшсэн мэдрэмж төрж, хүндхэн сэтгэлтэйгээр орондоо оров. Тэр шөнө Валери цээжин дээрээ хөнгөн хүрэхийг мэдэрч, түүний сүнс биеэс нь гарахыг харж, доор байгаа бие махбодоо ажиглав. Тэр Хэдер ч бас дээшилж буйг анзаарчээ. Хурц гэрэл буун ирж, найман тохой өндөртэй, асар том сахиусан тэнгэр тэднийг дагалдан, Диваажин өөд урсдаг шатаар явж буй мэт аажуухнаар өгсөв.

Тэд Диваажингийн үүдэнд хүрэв. Дотогш нээгддэг сувдан хаалгануудыг галт сэлэмтэй хоёр тэнгэр элч хамгаалж байлаа. Тэнгэр элч хоёр охиныг тунгалаг алтан гудамжаар цагаан өнгөтэй Амьдралын Усан оргилуур руу дагуулан очив. Тэнд кои загас-хүмүүс сэлж, Амьдралын Мөрөнд цутгаж байв. Тэнгэр элч тэдэнд Эзэн Есүсийг хүлээ гэж хэлэв. Загас-хүмүүсийг хооллож байхдаа Валери асар их баяр баясгалан, амар амгалан, аюулгүй байдлыг мэдэрчээ. Эзэн Есүс гарч ирэхэд Валери, Хэдер хоёр түүнийг догдлон тэврэв. Тэднийг БУРХАНЫ сэнтийн өрөөнд аваачсан бөгөөд тэнд Эзэн Есүс цагаан сэнтийд амран, баруун хөлөө зүүн хөл дээгүүрээ зөрүүлэн сууж, ар талд нь олон өнгийн солонго татсан байжээ. Тэнгэр элч нар “Эл Шаддай” хэмээх дууг дуулж, сэтгэл нь хөдөлсөн Валери Эзэн Есүсийн хөлд уйлж, хөл дээрх цовдлогдсон шархыг илж, үсээрээ арчив. Тэрээр шүтлэгийн дуу, түүний дотор ээжийнхээ бичсэн дууг дуулжээ. Эзэн Есүс түүнийг зүүн өвдөг дээрээ өргөв. Тэр баруун чихээ Түүний цээжинд наан зүрхний цохилтыг нь сонслоо.

“‘Ba-boom, ba-boom.’ Миний зүрхний цохилт, БУРХАНЫ зүрхний цохилт зэрэгцэн цохилж эхлэв. Тэр мөчид би Түүний хүн төрөлхтний төлөөх агуу Хайрыг, яагаад Тэр золиослол хийснийг, шаардлагатай бол Тэр бүгдийг дахин хийх болно гэдгийг ойлгосон. [...] Бид нэг юм шиг л байсан. [...]

Валери дараа нь Йелловстоун үндэсний цэцэрлэгт хүрээлэнгийн Хэйдений хөндийг санагдуулам ногоон, нил ягаан, ягаан цэцэгс, эрвээхэй, зөгий(-хүмүүс), арслан-, бүргэд(-хүн), магадгүй ганц эвэрт юм уу Пегасустай төстэй амьтдаар дүүрсэн, өтгөн диваажингаар Эзэн Есүстэй хөтлөлцөн алхав. Дүр зураг өөрчлөгдөж, Валери, Хэдер хоёр Эзэн Есүстэй хамт сүрлэг цагаан морь(-хүн) унаж, Диваажингийн өнгөлөг байгаль дээгүүр нисэв. Дараа нь тэд эртний хэлээр баруунаас зүүн тийш бичсэн үгс бүхий алтан навчтай том Амьдралын Номыг агуулсан ханагүй өрөөнд оров. Валери нэгдүгээр ангид байхдаа дислекси, нэгдүгээр ангийн хязгаарлагдмал унших чадвартай байсан ч өөрийн болон бусад хүмүүсийн нэрийг таньж, энд байгаадаа баярлаж байлаа. Эзэн Есүс Өөрийг нь эсэргүүцсэн эсвэл татгалзсаны улмаас нэрс устгагдаж болно гэж тайлбарлаж, нэгийг нь устган харуулахад Валери үүнийг шударга гэж хүлээн зөвшөөрчээ.

Гэнэт харанхуйлан, тэд Эзэн Есүсийн оршихуйг нуусан хамгаалалтын хагас бөмбөрцгөөр хамгаалагдан там руу аажуухан бууж ирэв. Там нь тас харанхуй, хүхрийн эвгүй үнэр, ялзрал, бие махбодын угаагаагүй үнэрээр дүүрсэн байв. Валери "уйлах, шүдээ хавирах", харамсах шаналгаатай дуу, “хэрэв тэгсэн бол” гэсэн эцэс төгсгөлгүй гэмшилгүй бодлуудыг сонсжээ. Тэрээр Адам, Ева хоёрын дүрслэлийг харсан бөгөөд энэ нь хүн төрөлхтний БУРХАНЫГ үгүйсгэх сонголтыг бэлгэдэж байв. Тэр гунигтай байсан ч айдасгүй, Эзэн Есүсийн оршихуйд аюулгүй байдлыг мэдэрч, хүмүүс Христийг үгүйсгэснээр тамыг сонгодог гэдгийг ойлгожээ.

Гэх мэт...

Эс бөгөөс жирийн нэг сүнс тийш очвол эдгээр тамын аль нэгэнд сорогдон орж, тамын хэр хүндээс шалтгаалан, ямар ч хүнд тамд байсан та ямар нэгэн байдлаар зовно. Зарим тамын хаалгаар санамсаргүй орвол та хэзээ ч, хэзээ ч, хэзээ ч, хэзээ ч дахин буцаж чадахгүй. Өө, энэ дэлхийд дуусашгүй урхи, тамууд бий. Учир нь хүмүүс урт хугацаанд оршихдоо өөрсдийн хүсэл тачаал, тийм ч сайн бус үйл, БУРХАН-д үл итгэх, БУРХАН-ыг үгүйсгэх, БУРХАН-ы Хүү Есүс Христийг жишээ нь үгүйсгэх, тэдэнд тусалж, сүнслэг түвшин, сүнслэг байдлын хэм хэмжээг дээшлүүлж чадах Будда нарыг үгүйсгэх зэрэг үйлээрээ өдий төдий тамыг бүтээсэн.

Одоо та нар өөр гаргуудын олон төрөлтөн яагаад бидэнд туслах гэж их хичээж байсныг ойлгоо биз дээ. Учир нь тэд БУРХАН-ы Ивээлээр ухамсрын илүү өндөр түвшинд хүрч хөгжсөн тул туулж буй зовлонг тань мэддэг. Тэд их бага хэмжээгээр зовлон туулсан. Тиймээс одоо тэд биднийг энэ агуу сүнслэг төлөвлөгөөний ухамсрын доод түвшинд зогсонги хэвээр байгаа цорын ганц хэсэг гэж харж байна. Иймээс тэд бидэнд туслах гэж их хичээж байна.

Мөн БУРХАН маш Энэрэнгүй тул бидэнд боломжтой бүх аргаар туслуулахаар Багш нар, Их Багш нар, Гэгээнтэн Мэргэдийг илгээж байна. Гэвч хүн төрөлхтөн бид цаглашгүй эрт дээр үеэс үйлийн үрийн хүнд ачаа, хорт муу бүхэнд нэрвэгдсээр ирсэн. Тиймээс Их Багш нар тэдэнд зөвхөн туслахыг хүсэж, болзолгүй хайраар хайрлаж байгааг, бас энэ нь тэдний хувьд төрөлх гэртээ харих замдаа гарах эхний алхмыг хийх сүүлчийн боломж гэдгийг, тэд жинхэнэ Гэртээ очиж, амар амгалан, аз жаргалыг эдлэх Эрх чөлөөний замдаа гарч анхны алхмаа хийж чадна гэдгийг ойлгоход тэдэнд маш хэцүү байдаг.

Олон олон галавын турш төөрч хоцрохыг сонгохын оронд, — тэгээд ч дараа нь өөрсдийг нь өргөн дээшлүүлж, жинхэнэ Төрөлх Гэр рүү нь буцаан хүргэх агуу Гэгээрсэн Их Багштай хэзээ нэгэн цагт учрах эсэх нь ч эргэлзээтэй— Тэр жинхэнэ Гэртээ л тэд мөнхийн амар амгалан, аз жаргал, дээдийн баясал цэнгэлийг эдлэн санаа зовох зүйлгүй, үүрд мөнх жаргалтай, БУРХАН-ы Өвөрт, БУРХАН-ы Ивээл дор баяр жаргалтай байж чадна. Үүнээс илүү сайхныг хэзээ ч мэдрэхгүй бөгөөд энэхүү дорд, хүнд биет ертөнц рүү дахин хэзээ ч эргэж ирэхийг хүсэхгүй. Энэ тухай бодох ч үгүй. Гэртээ харих замд буй тэрхүү шинэ ертөнцөд жаргал эдлэх болно.

Бид БУРХАН-д, бидний Эцэг Эх, цорын ганц Эцэг Эх болох МАПА-д мөнхөд өвдөг сөхрөн, мөргөж, үүрд, үүрд, үүрд талархаж болно. Учир нь энэ бол бид оршин байх үедээ авч болох хамгийн гайхамшигтай Бэлэг юм. Бид БУРХАН-д хэзээ ч хангалттай талархаж чадахгүй. Бид БУРХАН-д хэзээ ч хангалттай хариу барьж чадахгүй. Бид БУРХАН-ыг хэзээ ч хангалттай магтаж чадахгүй. Бид БУРХАН-ыг хэзээ ч хангалттай хайрлаж чадахгүй. Зөвхөн БУРХАН л биднийг хайрлаж, бид зүгээр л түүнийг нь эдэлдэг. БУРХАН-ы Хайр, БУРХАН-ы Энэрэл, БУРХАН-ы Ивээл, БУРХАН-ы Мэргэн Ухаанаар амьдрах нь Тэнгэрлэг амьдралын тулгуур юм. Үүнийг харьцуулах, эсвэл үүнээс өөр ярьж болох өөр юу ч үгүй. Та нарын уншсан хамгийн сайхан үлгэрүүд ч юу ч биш. БУРХАН-ыг таних аваас олж мэдэх зүйлийн дэргэд энэ нь хумхын тоос мэт.

Та бүхэн хэт оройтохоос өмнө, одоо энэ насны амьдралдаа тэр зорилгодоо хүрч, БУРХАН-ыг танин мэдэж, БУРХАН-ыг хайрлан, БУРХАН-ыг магтаж, БУРХАН-д итгээсэй гэж би хүсэж байна. Тэгвэл эндхийн амьдрал нь дээд Хаант Улсад мөнхөд эдлэх зүйлтэй харьцуулахад ердөө нүд ирмэх төдий гэдгийг та мэднэ. Би өөрөө боломжтой санах бүрдээ, өдөр бүр, цаг мөч бүрд БУРХАН-д хувьдаа талархдаг. Хооллохдоо, унтахдаа, бясалгахдаа, ажиллахдаа, юунд ч, өдрийн секунд бүрд. Дашрамд хэлэхэд би үнэндээ унтдаггүй.

Мөн дашрамд хэлэхэд амьтан-хүмүүс надад энэ тэр зөгнөл, тайвшруулах мэдээг хэлж чаддаг шалтгаан нь тэд үүнийг үргэлж БУРХАН-аас хүлээн авч чаддагт оршино. Учир нь тэдний хаалга БУРХАН-д үргэлж нээлттэй байдаг. Тэд зөвхөн өөрсдөд нь тогтоогдсон байдлаар амьдралаа туулж өнгөрүүлэх ёстой. Гэвч тэд маш ариун, маш энгийн тул БУРХАН тэдний оршихуйд, тэд хэчнээн жижиг, том байхаас үл хамааран үргэлж орж, мэдэж болох аливаа мэдээ, юуг ч болов өгч чаддаг. Харин бусад нь, жишээ нь хүн төрөлхтөн мэдэж чаддаггүй.

БУРХАН тэдэнд адилхан л өгч, адилхан л хайрладаг байтал хүмүүс БУРХАН-тай холбогдоход хамгийн хэцүү. БУРХАН үүнийг хүсдэггүйдээ биш, зүгээр л хүмүүс өөрсдөө хүсдэггүй. Хүмүүс ажил, хоол, хувцас, амьдарч буй хэдэн хана, толгой дээрх дээвэр, түүнчлэн хөгжиж буй бусад олон шинэ, цоо шинэ дэвшилтэт технологийн талаарх санаа зовнилдоо маш их дарамтлагдсан. Технологийн дэвшил маш сайн, маш сайн. Энэ нь хүний амьдралыг илүү тав тухтай, илүү хялбар болгодог. Гэвч нэг сөрөг нөлөөтэй: энэ нь хүмүүсийг, түүнтэй холбогдсон ямар ч төрөлтөн байсан жинхэнэ сүнслэг хүч, жинхэнэ Гэрээ мэдэхгүй сохор, дүлий болгодог.

За, өнөөдрийн хувьд би хангалттай хэллээ гэж бодож байна. Энх тайван, эсвэл сүнслэг асуудлаар цаашид ямар нэг ахиц гарвал надад мэдээлэхийг зөвшөөрсөн бүхнийг та нарт баяртайгаар мэдээлнэ. Гэхдээ одоо илүү дээр болсон гэж хэлэх ёстой. Би шууд ярьж, БУРХАН надад хайрласан, мэдүүлсэн, эсвэл дэлхийд мэдээлэхийг зөвшөөрсөн бараг бүхнийг хэлж чаддаг болсон. Сүнслэг зүйлсийнхээ талаар илүү нээлттэй ярьдаг болсондоо нэг бодлын баяртай байна. Би БУРХАН-д үргэлж хэмжээлшгүй их талархдаг. Та нар БУРХАН-ыг харахгүй, эсвэл ТҮҮНИЙ Хайрыг мэдрэхгүй байсан ч БУРХАН-д талархдаг гэж найдаж байна.

Библид “Хараагүй атлаа итгэдэг хүмүүс ерөөлтэй.” гэж байдаг. Мөн “Та нар дахин хүүхэд мэт болохгүй бол БУРХАН-ы Хаант Улсад орж чадахгүй.” гэж байдаг. Бодол санаа, үйлдэл, хийхийг хүссэн бүхэндээ хүүхэд мэт бай. Өөрөөр хэлбэл тэр чигтээ гэнэн, ариун, БУРХАН-д итгэлтэй бай. Тэгвэл та мэдсэн ч, эс мэдсэн ч БУРХАН-тай холбогдоно. Гэхдээ та өдөр бүрийн бүх адислалаар, өөрт тань тохиолддог гайхамшгуудаар, бэрхшээл тохиох бүрд ирэх хамгаалалтаар үүнийг мэднэ. Та БУРХАН-ы Хайранд мянган хувь итгэх ёстой. Үүнийг зорилгоо болгоорой. Бусад бүх зүйл ямар ч байсан түр зуурынх.

Дашрамд дахин хэлье: Надад бүү санаа зов. Миний туулж буй бүхнийг би та нарын төлөө туулах ёстой. Тэгээд энэ болоод өнгөрнө. Юу ч байсан угаас болж өнгөрнө. Би та нарт маш их хайртай. БУРХАН надад та нартай хуваалцаг гэж асар их Хайр өгдөг. БУРХАН-ыг сана, БУРХАН-ыг хайрла, БУРХАН-ыг магт, мөн бусдаас өөртөө хүсдэг шигээ бусдад ханд. Ердөө энэ. Энэ биет ертөнцөд амар амгалан амьдрах маш амархан. Үүнээс цааш бол таныг Гэртээ хүрэх замд тань улам, улам, улам өргөхийн тулд зааж, тусалж, Өөрсдийн буяныг хуваалцах агуу Гэгээрсэн Их Багшийг олохыг хичээх хэрэгтэй. Би та нарт маш их хайртай. Бид БУРХАН-д хэмжээлшгүй их, үүрд талархъя. Танд баярлалаа, миний ЭЗЭН.

Photo Caption: “Адилхан Өндөрт Өсөх гэж Хамтдаа Ургана”

Зураг татаж авах