Үнэндээ, Үйлийн үрийн Иог нь үүнийг ойлгох илүү гүн аргатай байдаг. Тэр нь та ямар ч аргаар ажиллаж, эсвэл ялангуяа сайн дураар ажиллан түүнийгээ Бурханд зориулж үйлийн үрээ арилгах юм. Тиймээс л үүнийг Үйлийн үрийн Иог гэдэг.
Үсний маань юу болохгүй байна? Үстэй байхад асуудал гарна. Үсгүй байхад ч бас асуудал гарна. Урьд нь намайг үсгүй байхад, онгоцны буудал бүрээр нэвтрэхэд маш их шалгадаг байсан. Гутлыг минь нугална, яг л би ямар нэг зүйл нууж байгаа мэт гар цүнхний маань давхаргуудыг рентгенээр харна. Халзан толгой юу гэсэн үг болохыг улс орон бүр мэддэггүй. Учир нь тэдэнд халзан толгойтой бүлэглэлтэй хүмүүс хүмүүс байдаг. Би нэрийг нь дурдмааргүй байна. Тэгээд тэд асуудал тарьдаг, тэд асуудал тарьдгаараа дэлхийд алдартай. Тиймээс, би бас халзан толгойтой байсан учраас, бүлэглэлийн гишүүн байж мэднэ. Тиймээс надад асуудал гардаг байсан. Тэгээд би үсээ ургуулж эхлэхэд өөр асуудлууд гарсан. Самнаж, угаах ёстой болсон. Тэгээд хааяа нэг, бүр будах ёстой ба үүнд би дүргүй. Энэ бол ажлын нэг хэсэг. Та нар итгэхгүй байх, гэвч энэ бол ажлын нэг хэсэг. Урьд нь Их Багш байхын тулд шаргал үстэй байх ёстой гэдгийг мэдээгүй. Тэгээд тийм болсон.
Америкийн савангийн дуурийн нэг анги дээр гарсан. “Хувраг” гэдэг нэртэй нэг цуврал байсан. Хувраг гэдэг нэртэй нэгэн шинжээч байсан. Маш сайн шинжээч, бөгөөд тэр маш их зүйлс мэддэг учраас өөр хэний ч чадаагүй тохиолдлуудын ан цавыг олж үргэлж чаддаг. Тэгээд бусад цагдаа, шинжээчдийн хамтаар тэд сайн зүйлс хийцгээдэг. Нэг цагдаагийн хэлтсийн дарга нь нэгэн настай эр үүн шиг сахалтай. Тэгээд нэг өдөр, түүнийг өөр тасаг руу юм уу шилжүүлсэн байсан. Тиймээс тэр маш залуу орлогчдоо, 20 гаран настай, хараахан 30 хүрээгүй орлогчдоо залгамжаа өгдөг. Тиймээс тэр залуу орлогч бас эндээ маш том сахал ургуулдаг. Тэгээд хүн бүр орж ирээд түүнийг хараад, “Одоо юу вэ? яагаад?” гэж асуудаг. Тэр, “Ажлын нэг хэсэг” гэж хариулдаг. Учир нь дарга нь бас сахалтай учраас илүү захирангуй харагдахын тулд тэр бас ургуулах ёстой гэж бодсон. Тэр, “Ажлын нэг хэсэг” гэж хэлсэн.
Тэгэхээр энэ нь биднээс хамааралтай, бид тэжээвэр амьтадтай байна уу үгүй юу, эсвэл аль нэг их багшийг сонгож, 84,000 арга дотроос аль нэгээр бясалган дадуулахыг сонгосон эсэхээс хамаарна. Зүрх сэтгэлээ дагаж, зөв зам мөрөөр амьдрах ёстой. Ингэснээр бид харина гэдэгтээ баттай байж, ядаж л материаллаг хэмжээст тав тухтай амьдарна. Тэгэхээр сатааралгүй төвлөрөл, ба хайр та нарт тустай. Зөвхөн одоо цагтаа төвлөрөх нь бас маш их ач тустай. Учир нь энэ бол та нар дэлхийн бүх үйлийн үрээс тусгаарлагдсан гэсэн үг; тэд та нарт хүрэхгүй. Энэ дэлхийд мэндлэхдээ бидний өөрсдийн авчирсан үйлийн үр байдгаас гадна, эргэн тойрныхоо бусад хүмүүсийн үйлийн үрд бохирддог. Хятадын философичдын нэг нь, миний болоор Зүангзи - хэн нэгэн “зи”, тэд бүгд “зи,” “зи” нарын нэг нь нийгэм гэдэг бол маш том будагч ванн, бид хамтдаа учраас бараг л адил өнгөөр будагддаг, учир нь бид будагч материалтай нэг л ванн дотор байгаа. Нийгэм бол том будагч торх. Азаар би жаахныг санаж байна. Тэгснээр та нар намайг жаахан боловсролтой гэж бодно. Би зарим зүйлийг санаж байгаа нь сайн боллоо тэгснээр та нар намайг жаахан боловсролтой гэж бодно сая гэж хэллээ.
Хэрэв та нар урдаа байгаа ямар ч ажил дээрээ төвлөрвөл, тэр нь бас тустай. Үүнийг сүнслэг хэллэгээр Үйлийн үрийн иог гэдэг. Энэтхэгт бүх зүйлсийг иог юм уу бясалгагч арга гэдэг. Энэ бас үнэн, тийм учраас Будда бидэнд 84,000 бясалгал дадлын арга байдаг гэж хэлсэн. Зен Их Багштай суралцахаар ирсэн нэгэн залуугийн түүх байсан. Их Багш нь түүнд юмс зааж өгсөн ч тэр хаана ч хүрээгүй. Магадгүй тэр сайн бясалгадаггүй байсан байх, магадгүй тэр олбог дээрээ суумагцаа унтдаг байсан байх, эсвэл магадгүй зүгээр л юм бодоод сууж байсан байх. Тиймээс тэр юу ч хүртдэггүй. Тэгээд Багш дээрээ ирээд, “Надад туслаач. Таны надад заагаагүй өөр ямар нэг зүйл бий юу?” гэж асуухад нь Багш нь, “Би чамд бүхнийг заасан. Тэдгээрийг хэрэгжүүлэх эсэх нь чамаас хамаарна.” гэж хэлдэг. Шавь нь, “Гэвч би огтхон ч ахисангүй. Яаж ч чадахгүй нь. Төвлөрч ч чадахгүй байна.” гэхэд Багш нь, “За, ахиад нэг зүйл бий, өөр нэг арга бий.” гэж хэлдэг. Тэр, “За, хэлээрэй, хэлээрэй.” гэхэд Багш нь, “Гараад, ажил олоод, амьдралаа залгуул.” гэдэг. Учир нь үнэндээ ажиллаж байхдаа та нар ажил дээрээ төвлөрөх ёстой болдог; үгүй бол, ажлаа сайн хийж чадахгүй, эсвэл халагдана. Амь залгуулж амьдрахын төлөө ажилдаа та нар төвлөрөх ёстой болно. Тэгэх ёстой. Ажил өгөгдсөн байхад хийх л ёстой болно, өөр сонголт байхгүй. Ингэснээр та нар ажилдаа, одоогийн урдаа байгаа даалгавартаа төвлөрдөг. Энэ нь бас сатааралгүй төвлөрлийн өөр нэг төрөл юм. Үүнийг, Энэтхэгт “Үйлийн үрийн иог” гэж нэрлэдэг. Гэвч үнэндээ, Үйлийн үрийн иогт үүнийг ухаарах илүү гүн арга байдаг. Жишээ нь та нар ажил хийж, ямар ч байдлаар бай ажиллаж, эсвэл тэр тусмаа сайн дураар ажиллаж, түүнийгээ Бурханд зориулж үйлийн үрээ арилгадаг. Тийм учраас тэд үүнийг Үйлийн үрийн иог гэдэг. Кама Сутра биш шүү, энэ бол ялгаатай. Эрэгтэйчүүд утгагүй зүйл бүү бодоорой. Эмэгтэйчүүд мэдэхгүй тийм үү? Би их зүйл мэдэх ёстой болсон, уучлаарай. Заримдаа тэд надад ном авчирч өгдөг байсан. Тэд, “Багшаа, сайн ном, сайн ном, сайн ном.” гэдэг. За, сайн байна. Би итгээд, хардаг. Өө миний урьд өмнө харж байгаагүй төрөл бүрийн зураг дотор нь тайлбартайгаа байдаг. Энэ бол Кама Иог. Үйлийн Үрийн Иогоос өөр. Мэдэхийг хүчилсэн. Кама Сутра гэдэг нь Үйлийн үрийн иог-с өөр. Би үүнийг унших шаардлагагүй, гуйя. Тэгэх шаардлагагүй. Багш байна гэдэг заримдаа тоогүй. Олон хүмүүс асууж, түүнийг нь мэдэх ёстой болдог. Тэгснээр тэдэнд, “Тэр сайн, сайн. Түүнээс бол хол бай.” гэж хэлж чадна. Жишээлбэл. Бурханы авралаар би олон зүйл мэдэх шаардлагагүй, учир нь Арьяабалын Аргаар бясалгаан дадуулбал өөрөө өөрийгөө гэгээрүүлнэ. Надаас маш их зүйлс асуух шаардлагагүй. Заримдаа асуудаг ч, муурынхаа тухай, нохойнхоо тухай гээд утгагүй зүйл асуудаг. Гэвч энэ бол том зүйл биш.
Ингэж л үйлийн үрийн иог үйлчилдэг. Тэгээд долоон жилийн дараа, энэ залуу эргээд Их Багш дээрээ ирээд юунд ч хүрээгүй хэвээр гэж хэлдэг. Тэгэхэд нь Багш нь, “Тэгвэл би чамд тусалж чадахгүй.” гэдэг. Энэ нь Багшийнх нь түүнд үзүүлж чадах сүүлчийн хаалга байсан ч тэр бас л сайн хийгээгүй. Юу гээч, зарим хүмүүс ажил дээрээ төвлөрдөггүй. Зүгээр л цаг нөгцөөх гэж ажил хийдэг, цагаа хараад, гэртээ харихаа хүлээж, ажилдаа үнэхээр анхаарлаа төвлөрүүлдэггүй. Ямар ч ажил хийсэн, амьдралынхаа сүүлчийн ажил мэт хийх ёстой, дэлхийд хувь нэмрээ оруулж буй сүүлчийн зүйл мэт, тэр бүх анхаарал. Хүндлэл, чин бишрэл, баяртайгаар ажилла- ажилтай байгаадаа, хэрэггүй хүн биш гэдэгтээ, төрснөөсөө хойш маш их өртэй болсон дэлхийдээ хувь нэмэр оруулж чадаж байгаадаа баяртайгаар ажиллах учиртай. Бид ийм хандлагатай байх ёстой. Ямар ч ажил оногдсон баяртай байж, хамаг чадлаараа сайн хийх ёстой. Шал арчлаа ч, нойл цэвэрлэгч байлаа ч, эсвэл улсынхаа ерөнхийлөгч байлаа ч – бүгд ердөө л ажил. Ерөнхийлөгчийн ажил, цэвэрлэгчийн ажил хоёрын аль нь илүү дээр гэдгийг би үнэндээ мэдэхгүй. Миний бодлоор цэвэрлэгчийн ажил та нарт илүү дээр байх. Шал шүүрдэж, плита-г арчиж, мөн үүнтэйгээ зэрэгцээд Таван (Ариун) Нэрсээ уншина. Ажил амьдралаа Бурханд зориулна.
Гэвч ерөнхийлөгч болбол Таван (Ариун) Нэрээс эсвэл та нарт өгсөн Бэлгээс нэг өгүүлбэр ч унших цаг зав гарахгүй. Төрөл бүрийн зүйлс өдөр шөнөгүй ирнэ. Унтлаа ч, асуудал тань та нартай хамт унтана, хэрэв унтаж чадвал шүү дээ. Би ерөнхийлөгч биш ч мэднэ. Өнгөрсөн шөнө жишээлбэл, би бусад хүмүүсийн асуудлаас болоод унтаж чадаагүй. Тэд зүгээр л над дээр асуулгүй ирдэг. Тиймээс ерөнхийлөгч яаж тийм их зүйлийг зохицуулахыг төсөөлдөө, улсынхаа, олон улсын, мөн ажилтнууд гээд түүний эргэн тойронд маш олон “би” үзлүүд байж байдаг. Ерөнхийлөгчид, эсвэл хаанд гарцаагүй олон хүмүүс тусалж байдаг, сайн дураараа ч тусалдаг. Гэвч тэр бас тэдгээр “би” үзэлтэй тулгарна. Тэд нохой, муур шиг нөхцөл болзолгүй тусалдаггүй. Тэд ямар нэг зүйл, анхаарал, эсвэл зарим шагнал хүсдэг, танаас инээд, магтаал эсвэл жилийн онцлох сайн дурын ажилтан, зууны шилдэг дадлагажигч гэх сертификат гэх мэтийг хүсдэг. Тэд бас анзаарагдаж, дээрээс, улсын удирдагчаасаа анхаарал хүсэж, түүний дэргэд ажиллахдаа бахархалтай байдаг. Мөн тэд бас өөрсдийн гэсэн зан ааш, “би” үзэлтэй, тэмцэлтэй. Тэгээд энэ бүх энергиүд болон тэдний бүх гомдол, чимээгүйхэн, эсвэл чангаар толгойд тань унтаж байхад тань ордог. Бид биеэрээ эргэн тойрныхоо бүхнийг шингээдэг шиг, бас бусад хүмүүсийн сайн, муу энерги, бодлыг шингээдэг. Нийгэмд амьдрахын асуудал нь тэр юм.
Тийм учраас олон Их Багш нар, зүгээр л дэлхийг орхидог. Тэд үнэхээр залхдаг; Тэд дэлхийг ямар ч авралгүй гэж боддог. Энэ цөхөрсөн, асуудалтай, ээдрээтэй дэлхийд туслах ямар ч арга байхгүй гэж боддог. Тийм учраас олон Их Багш нар, өөр хаа нэгтэй байрладаг, Гаумух гэх мэт Гималайн маш гүн рүү, жишээ нь Ганга Мөрний эх ундарга руу, хэний ч бараг явдаггүй газар руу явдаг. Жил тойроод тэнд цастай байдаг, зун ч мөн адил. Мөн тэд маш энгийн зүйлс иддэг, эсвэл иддэггүй, магадгүй цас иддэг. Магадгүй, тэд хэдэн сар байх гэж жаахан будаа, дал, шош шиг зүйл, сэвэг зарам зэргийг өөрсдөө аваад очдог байх. Хэрэв хэн нэгэн дээш гарч ирвэл, магадгүй ажилчин ч юм уу Тэдэнд ахиад хэдэн сар хүрэлцэх бусад зарим сэвэг зарам, бас дахин нэг шуудай будаа зэргийг авчирдаг. Жишээ нь ийм. Гэвч тэд зун болтол хүлээх ёстой. Ядаж л зун цагт зам нь харагддаг. Өвөлд ямар ч боломжгүй. Бүх зүйлс хаагдаж, хаа сайгүй том уулс болдог. Мөн зун цагт, Гималайн ууланд байрладаг арми, яг хил дээр, хил хамгаалж байдаг. Зуны цагт тэд бульдозертой, Big Cat-тай ирээд цасыг зайчилж, хоёр том мөсөн хананы дунд жижиг зам байгаа мэт болгодог. Ингэснээр мөргөлчид уул, усаа болон өнгөрсний Их Багш нарын зарим нэг сүм хийдэд мөргөж сүсэглэж, залбирдаг зүйлээ залбирахаар явах боломжтой.
Үйлийн үрийн иог гэдэг нь зөвхөн ажилдаа төвлөрөхийг хэлдэггүй, харин үүнийгээ бусдын сайн сайхны төлөө зориулдаг, жишээ нь ядуу, орон гэргүйчүүдэд зориулан сайн дурын хийнэ. Эсвэл лам нарт хийд цэвэрлэж өгөх юм уу, зарим бурхад, дарь эх нарын хийдийг цэвэрлэх гэх мэт. Үүнийг Үйлийн үрийн иог гэдэг. Зарим хүмүүс үүнийг дадуулдаг. Тэд тарни уншдаггүй, юу ч уншдаггүй. Бясалгал ч хийдэггүй. Магадгүй хийдэг ч бурханы хөшөөний өмнө суугаад нам гүм болдог. Мөн заримдаа, тэд хангалттай ариун байвал Шри Рамакришна гэх мэт Бурхад, дарь эхүүд өмнө нь гарч ирэхийг хардаг. мэдэх үү? Түүний эхнэр нь Ариун Эх болсон. Тэд бас Түүнийг Ариун Эх гэж нэрлэдэг. Гэр бүлийн уламжлалаас болж Тэр Түүнтэй маш бага байхад нь гэрлэсэн ч Тэр огтхон ч билгийн харилцаанд ороогүй. Тэд нэг орон дээр хамт байсан ч Тэр хэзээ ч юу ч хийж байгаагүй. Хүссэн боловч тэгээгүй гэж Тэр хэлсэн. Мөн зарим хүмүүс Түүнийг эхнэрээ золиосолсон гэж буруутгасан. Эхнэрт нь бол зүгээр байсан. Тэрээр Ариун Эх гэж хүндлэгддэг болсон.
Энэтхэг үнэхээр гайхалтай орон. Би үнэхээр Энэтхэгт хайртай, магадгүй би урьдын нэг ч биш хэд хэдэн төрөлдөө Энэтхэг хүн байсан байх. Гэвч би үнэхээр... Түрүүчийн удаа хэлсэнчлэн, Ришикешд гэртээ байгаа мэт мэдрэмж надад өгдөг нэг газар байдаг. Зүгээр л шавар байшин, шавар өрөө. Байшингийнхаа урд хэдэн чулуутай ба тэндээ (веган) гамбир хийж, газрын самрын тос, өргөст хэмх идээд, тэнд надад үнэхээр сайхан байсан. Тэр газраас өөр надад санадаг газар байхгүй. Бүхэл дэлхий даяар би өөр хаана ч байхыг хүсдэггүй. Гэвч надад боломж олдсон бол би тэнд эргэж очоод, тэнд байрлана. Үнэхээр эрх чөлөөтэй санагдсан. Магадгүй тэр үед Нью Дэли-д, нааш цааш оволзсон газар байсан учраас өөр мэдрэмж байсан байх. Мөн маш олон шавь нар эргэн тойронд байсан ба бүх хоол хүнсийг идээд надад юу ч өгөөгүй. Ямар ч үлдэгдэл, юу ч байхгүй, маш их тоостой. Мөн заримдаа бохир хаягдал, усны хоолойн таагүй үнэр гэх мэт; миний хүссэн, миний төрлийн зүйл биш. Тиймээс би Ришикэш, эсвэл Кашмир гэх мэт Гималайн илүү гүнд очоод илүү дээрдсэн. Гэхдээ надад Кашмир ч тэгж их таалагдаагүй. Хэдийгээр Кашмир миний байрлаж байсан урцнаас илүү үзэсгэлэнтэй байсан ч тэгж их таалагдаагүй. Тэнд ямар ч үзэсгэлэнтэй байгаль энэ тэр байгаагүй, Зүгээр л ууланд, уулын голд, мододтой ба Ганга Мөрөн ердөө л хоёр гурван минутын зайнд байсан. Надад хоол хийх үнэгүй ус бас урц байсан. Мөн би дээвэр дээр нь унтдаг байсан. Гэвч тэр газрыг санаж байна. Гаднаа нойлтой; Бурханы авралаар надад нойл байсан. Ихэнх газар байдаггүй. Тиймээс тэр газар таалагдсан. Энэ бүх хугацаанд, бусад газартай харьцуулахад, аль ч газартай харьцуулахад тэр бол надад хамгийн сайхан байсан газар. Энэ газар ч надад сайхан байдаггүй. Үнэндээ, энд бол зөвхөн ажил, тиймээс аяндаа ямар ч багш өөрийнхөө ангидаа 24/7 байвал түүнд сайхан байхгүй. Тэр гэртээ харихыг хүснэ. Анги танхим нь, сургууль нь түүний жижиг орон сууцнаас илүү сайхан харагдавч тэр тансаг чамин, цэвэрхэн сайн баригдсан сургуулиасаа илүү өөрийн ноорхой урц эсвэл орон сууц руугаа явахыг хүснэ.
