ӨДӨР ТУТМЫН МЭДЭЭ-ний гол тойм – 2026 оны аравдугаар сарын 29

Ираны Гадаад хэргийн яамны хэвлэлийн төлөөлөгч Эсмаил Багаи тус улс дипломат байдалд нээлттэй хэвээр байгаа бөгөөд зуучлагчдаар дамжуулан АНУ-тай мэдээлэл солилцсоор байгаа гэж мэдэгдлээ. (Associated Press)

Саудын Арабын цэргийн эвсэл 10-р сарын 25-нд Йемений Ираны дэмжлэгтэй хусит бүлэглэлийн [Саудын Арабын] Эр-Рияд болон Саудын Арабын өмнөд нутаг руу хөөргөсөн пуужин, дронуудыг замд нь устгасан гэж мэдэгджээ. (CNBC)

Украин (Урейн) даяар Оросын хийсэн довтолгоонд 8 хүн амиа алдаж, 51 хүн шархадсан гнэ орон нутгийн эрх баригчид 10-р сарын 24-25-нд мэдээлжээ. Эдгээр довтолгооны нэг нь Винницагийн 5 давхар орон сууцанд шөнийн цагаар хийсэн дроны цохилт байсан бөгөөд 6 хүн шархдаж, 4 айлын орон сууц сүйдсэн байна. (The Kyiv Independent)

Умард Солонгосын удирдагч Ким Жон Ун 10-р сарын 24-нд Хятадын хилийн Даньдун хотод айлчилж, 2 улсын хооронд шинээр нээгдсэн гүүрээр гарч, Хятадын улс төрийн дээд зөвлөх Ван Хүнинтэй уулзжээ. Ноён Ким Жон Ун богино айлчлалынхаа үеэр Хятадын дэмжлэгт талархаж, харилцаагаа ойртуулж, бодит хамтын ажиллагаагаа өргөжүүлэхийг уриалсан байна. (The Korea Times)

Доминиканы 3 эрэгтэй нийгмийн сүлжээнд нийтэлсэн бичлэгээрээ ажлын хуурамч амлалтад хууртаж, дараа нь Украин (Урейн) дахь дайны фронт руу илгээгдсэнээ хэлж, өөрсдийг нь Оросоос аврахыг хүсжээ. Тэд Перу, Панам, Энэтхэг улс иргэдээ буцаан авчирсан шиг өөрсдийг нь эх оронд нь авчраач хэмээн Бүгд Найрамдах Доминикан Улсын ерөнхийлөгч Луис Абинадераас хүссэн байна. (New York Post)

Индонез улс дотоодын цахилгааны хэрэгцээгээ хангахын тулд Сингапурт нийлүүлэх байгалийн хийн экспортоо бууруулж эхэлсний дараа Сингапурын ерөнхий сайд Лоуренс Вонг бүх талыг хий нийлүүлэх гэрээгээ биелүүлэхийг уриалсан байна. (Channel News Asia)

11-р сарын 9-30-нд болох НҮБ-ын Уур амьсгалын өөрчлөлтийн 31-р бага хурал COP31-ийг угтан ногоон хөрөнгө оруулалт татах талаар хэлэлцэхээр засгийн газрын албан тушаалтнууд, олон улсын байгууллага, компаниудын төлөөлөл 10-р сарын 23-нд [Туркийн] Истанбул хотод уулзжээ. Хэлэлцэх асуудлуудад цэвэр эрчим хүч, тогтвортой аж үйлдвэр, дэд бүтэц, тойрог эдийн засаг дахь хөрөнгө оруулалтын бодлого, боломжууд багтаж байна. (Anadolu Agency)

10-р сарын 24-нд Италийн Ром, Милан, Турин болон бусад хотуудад олон мянган хүн амьжиргааны өндөр өртөг, Газын зурвас дахь дайн, засгийн газрыг эсэргүүцэн жагслаа. Ром хотод жагсагчид эртний Ромын задгай цэнгэлдэх Колизейд түр нэвтэрч, цагдаа нартай мөргөлдөөн үүсгэжээ. (New York Post)

Шашны санваартнуудын бэлгийн хүчирхийллийг даван туулагсад 1,300 орчим хүний нэхэмжлэлийг шийдвэрлэхээр [АНУ] Нью-Йоркийн Католик шашны хамба ламын захиргаатай байгуулсан 800 сая ам.долларын эвлэрлийн тохиролцоог зөвшөөрсөн гэж өмгөөлөгчид 10-р сарын 24-нд мэдэгджээ. (Reuters)

Малайзын эмнэлгийн мэргэжилтнүүд утаа униар нь уушги төдийгүй арьс, нүдийг гэмтээж болзошгүйг анхааруулж байна. PM2.5 [нарийн ширхэгт тоосонцор] нь загатнах, хуурайших, улайх шинж үүсгэж, арьсны хууч өвчнийг сэдрээж, нүдийг цочроож болзошгүй. Мэргэжилтнүүд гадаа байх хугацаагаа хязгаарлах, агаарын чанарыг хянах, дотоод орчинд агаар шүүгч ашиглах, гадаа гарахаас аргагүй бөгөөд Агаарын бохирдлын индекс[API] 100-аас давсан үед нүүрэнд сайн таарсан N95 амны хаалт зүүхийг зөвлөж байна. (Malay Mail)

[Киприйн] Никосияд легионерын өвчтэй нярайн биеийн байдал хүнд боловч тогтвортой хэвээр байгаа бөгөөд халдварын эх үүсвэрийг тогтоох шалгалт үргэлжилж байна. 10-р сарын 23-ны байдлаар үүнтэй холбоотой өөр тохиолдол батлагдаагүй байна. (The National Herald, Cyprus Mail, Politis)

Унтахдаа оймс өмсөх нь хөлийг дулаан байлгаж, биеийн дулаанаа зохицуулахад дэмжлэг үзүүлснээр хурдан унтахад тусалж магадгүй юм. Чийгшүүлэгч түрхсэний дараа оймс өмсөх нь мөн хуурайшиж, хагарсан өсгийг зөөлрүүлэхэд тустай байж болно. Мэргэжилтнүүд агаар нэвтрүүлдэг, хөлс шингээдэг материалаар хийсэн цэвэр, хуурай, биед эвтэйхэн, бариу биш оймс өмсөхийг зөвлөж, бариу эсвэл чийгтэй оймс цусны эргэлтийг саатуулж, арьсыг цочроон, халдвар үүсэхэд нөлөөлж болохыг анхааруулж байна. Чихрийн шижинтэй, мэдрэлийн гэмтэлтэй, эсвэл цусны эргэлтийн асуудалтай хүмүүс илүү болгоомжтой байх хэрэгтэй. (VnExpress)

10-р сарын 23-24-нд [Мексикийн] Сьюдад-Хуарест хүчтэй аянга цахилгаантай бороо орж, гэнэтийн үер буусны улмаас дор хаяж 10 автомашин урсаж, айл өрхүүд болон нэг эмнэлгийн зарим хэсгийг усанд автуулжээ. Эрх баригчид Сьюдад-Хуарес болон өөр 2 хотод 107 осол, дуудлага бүртгэсэн бөгөөд бямба гарагт хүн нас барсан, гэмтсэн талаар мэдээлэл ирээгүй байна. (The Watchers)

Уур амьсгалын өөрчлөлтийн улмаас Бангладешийн баруун өмнөд нутагт шилжин суурьшигчид ус зайлуулах муу тогтолцоо, баталгаагүй орон байр, тогтворгүй ажил зэрэг шинэ бэрхшээлтэй тулгарч буйг судалгаагаар тогтоожээ. Үйлчилгээний хүртээмж муу, нийгэмд байр сууриа ахиулах боломж хязгаарлагдмал байгаа нь шилжин нүүсэн гэр бүлүүдийг эмзэг байдалд байлгаж буйг уг судалгаанд анхааруулсан байна. (UA.news)

Чампи хар салхи суларч, халуун орны бус циклон болсон ч Өмнөд Солонгос даяар аадар бороо үргэлжлэн оржээ. 10-р сарын 23-26-нд Чэжүгийн уулархаг бүсэд 420 миллиметр хүртэл, Пусанд бараг 150 миллиметр бороо оржээ. (SBS News)

[Германы] Берлин хот дахь РЕВЕ супермаркетын дээвэр дээр бүс нутгийн 500 орчим дэлгүүрт жилд 900 мянга хүртэл холимог салат нийлүүлэх зориулалттай 2,760 ам метр талбай бүхий тариалан бий. Салатны навчийг хөрсний оронд шим тэжээлээр баяжуулсан усанд ойролцоогоор 23 хоног ургуулж, газар дээр нь хураан савладаг. РЕВЕ-гийн тооцоогоор төсөл жилд 500 мянган километр тээвэрлэлтийг хэмнэх боломжтой бөгөөд барилга нь нөөцийн хэрэглээг бууруулахын тулд нарны хавтан, хуримтлуулсан борооны ус, хөргөлтийн төхөөрөмжөөс ялгарсан дулааныг ашигладаг. (EuroWeekly News)

Vegan Are Us ресторан [АНУ-ын] Филадельфийн хятад хороололд веган тахиан мах, вафли, амтат төмсөөр хийсэн сам хорхойтой поу-бой хачиртай талх, Филли Ви Стейк зэрэг гэрийн хоолыг санагдуулам веган хоол санал болгож байна. Үүсгэн байгуулагч Шаронда Харрис-Бантон (веган) хоол, ундаа, амтлагчаар дамжуулан эрүүл хооллолтыг дэмжиж байна. (6 ABC)

VegNews сэтгүүл нэгэн нийтлэлдээ намар, өвлийн улиралд зориулсан амттай веган шөлний 45 жорыг танилцуулжээ. Эхний 10 жорыг хүргэе: 1. Цагаан гаатай веган тахиан махан гоймонтой шөл 2. Итали ньоккитой өтгөн шөл 3. Цэцэгт байцаа, веган бяслагтай шөл 4. 4 булцуу саримстай шөл 5. Цагаан шоштой хулууны шөл 6. Зэрлэг будаа, мөөгтэй шөл 7. Шарсан кабоча хулууны шөл 8. Веган итали бөөрөнхий махтай хуримын шөл 9. Тамари соустай шарсан бүйлс бүхий Тайланд луувангийн шөл 10. Кешью самрын цөцгийтэй шарсан улаан лоолийн шөл. (VegNews)

Оутли компани дэлхийн хүмүүсийн 89% нь засгийн газраасаа уур амьсгалын талаар илүү хүчтэй арга хэмжээ авахыг хүсдэг гэсэн судалгааг онцолж, 89% төслийг сурталчлахаар савлагааныхаа загварыг шинэчилжээ. Шведийн веган овьёосны ундаа үйлдвэрлэгч тус компани олон нийтийн нөлөөллийн үйл ажиллагаа болон бодлогын өөрчлөлтийг дэмжихийг зорьж байна. (adversestories)

[АНУ-ын] Канзасын бага сургуулийн багш Тайлер Ричардс сурагчдад нинжин сэтгэл, өөртөө итгэх итгэл төлөвшүүлж, хамт олны нэг хэсэг гэдгээ мэдрэхэд нь туслахын тулд өдөр бүр өөрийгөө урамшуулах үг хэлүүлдэг. Энэ дадал бусад ангид түгж, сурагч, багш нарыг сургуулийн хэмжээнд эерэг уур амьсгалыг бэхжүүлэх урам зориг өгчээ. (Good News Network)

Канадын амьтан-иргэдийн сайн сайхны Флай Вит Ми амьтан аврах байгууллага 10-р сард [АНУ-ын] Жоржиа мужийн хэт дүүрсэн түр асрамжийн газруудаас 28 нохой-хүн, 40 гаруй муур-ардыг аварчээ. Муур-иргэдийн ихэнхийг нь үрчлүүлсэн бөгөөд нохой-хүмүүст шинэ гэр олох хүчин чармайлт үргэлжилж байна. (CTV News)

Малын мэс заслын эмч Пол Букбиндер, түүний эхнэр, зэрлэг амьтдын лицензтэй нөхөн сэргээгч Сара нар өнчин 2 элбэнх-хүнээ алдсаныхаа дараа [АНУ-ын] Нью-Йорк хотод 2018 онд зэрлэг амьтдыг нөхөн сэргээх төв байгуулжээ. Түүнээс хойш тус төв 800 гаруй элбэнх-хүнийг аварч, бие даан амьдрах чадвартайг нь нөхөн сэргээн байгальд нь тавьжээ. (The Times of India)

Өдрийн эргэцүүлэх эшлэл: “Хэн газар нутагтайгаа эв зохицлыг олох вэ? Хүн төрөлхтний ирээдүй амьдралаа ойлгож, бүхий л амьд оршнолын өмнө хүлээх үүрэг хариуцлагаа үүрэх хүмүүсийг хүлээж байна. Хэн модод, амьтад, шувууд болон газар нутгийн дуу хоолойг сонсох вэ?” – Зохиолч, шашин судлаач, Стэндинг-Рокийн Сиу Уугуул Үндэстний Гишүүн Бага Вайн Делориа (Wikiquote)

Кайл Растын клиник үхлийн тухай энэхүү 3 хэсэгт цувралын 1-р хэсэгт америк багш зүрхний нээлттэй мэс заслын үеэр талийгаач өвөө, эмээгийнхээ зочны өрөөнд очиж, маш их үгүйлсэн 2 хүнтэйгээ эргэн уулзан, хүчирхэг Гэрлээр хүрээлүүлсэн тухайгаа өгүүлнэ. 2022 оны 3-р сарын 15-нд Кайл зүрхний нээлттэй мэс засалд оржээ. Тэр өмнө нь бусад мэс заслын үеэр ерөнхий мэдээ алдуулалтад орж байсан. Тэр болгонд бүх зүйл харанхуйлж, тэр унтаад, дараа нь сэрдэг байлаа. Харин энэ удаагийн тохиолдол нь өөр байсан гэж Кайл ярьсан юм. Бүх зүйл харанхуйлж, түүнд унтаж байгаа мэт санагдсан аж. Гэвч тэр бодит амьдралд сэрээгүй гэжээ.

Би нэгэн үзэгдэл дотор сэрсэн. Би үүнийг үзэгдэл гэж нэрлэдэг, тэгж л тайлбарладаг: энэ бол би өвөө, эмээгийнхээ хуучин зочны өрөөнд тэр хоёртойгоо сууж байсан үзэгдэл юм. Өвөө, эмээ нь хоёулаа түүнийг мэс засалд орохоос өмнө нас барж, байшинг нь хэдэн жилийн өмнө зарсан байжээ. Кайл өвөө, эмээтэйгээ дахин хамт байхдаа эвгүйцэхийн зэрэгцээ сэтгэл нь амарсан тухай өгүүлсэн юм. Тэр өвөө, эмээтэйгээ маш дотно байжээ. Мэс засалд орох хэрэгтэйгээ мэдээд тэр хамгийн түрүүнд тэдэнтэй л ярилцахыг хүссэн ч тэд нь аль хэдийн өөд болсон байна.

Миний хэлэх гэсэн санаа ойлгогдож байвал, энэ нь бодит байдлаас ч илүү бодит байсан. Энэ бол амьдралдаа мэдэрч, харж, туулж байсан бүхнээс минь хамгийн бодит нь байсан. Би амьдралдаа хэзээ ч тийм тайван байж үзээгүй. Би амьдралдаа хэзээ ч тийм амгалан байж үзээгүй. Өрөөн доторх бүх зүйл түүний санаж байсантай яг адилхан байв: хивсний урагдсан хэсгүүд, зурагт, өвөө, эмээгийнх нь суудаг сандлууд, тэдгээрийн дундах ширээ, чийдэн, арынх нь шалнаас тааз хүрсэн цонхнууд гээд л. Кайл багадаа очих бүрдээ суудаг байсан хуучин сандалдаа суужээ.

Та ойлгож байвал, би энэ үзэгдэл дотор юм бүрийн нарийн ширийнийг бодит амьдралаас ч илүү тод харж байсан. Ханандаа модон өнгөлгөөтэй байсан, […] модны судалтай байсан ч би тэр өнгөлгөөний өчүүхэн хонхор, ан цав, нарийн ширийн бүрийг харж байв. Хүчирхэг Гэрэл өрөөг дүүргэжээ. Тэр Гэрэл байшингийн урд талын өнгөт шилэн цонх болон арын цонхнуудаар тусаж байв. Кайл түүнийг харанхуй, бүдэг биш, тод цагаан шаргал өнгөтэй, үзэсгэлэнтэй байсан гэж дүрсэлжээ.

Өвөө, эмээ минь надад юу ч хэлээгүй, гэхдээ тэр мөчид, тэр орчинд байснаар би амьдралдаа анх удаа, маш удаан хугацааны дараа тухлан суугаад зүгээр л амар тайван байж болох юм шиг санагдсан. Кайл өөрийгөө өвөө, эмээтэйгээ Диваажинд байна гэж итгэжээ. Тэнд байхдаа тэр дэлхийн амьдралдаа хоргодохгүй, өөрийнхөө хамгийн сайн хувилбар болсон мэт мэдэрчээ.

Би тэр үзэгдэл дотор байсан. Би явахыг хүсээгүй. Дараа нь намайг өөр үзэгдэл рүү сорж оруулсан. Энэхүү 3 хэсэгт цувралын 2-р хэсэгт маргааш бидэнтэй хамт байгаарай. Үүнд айл өвөө, эмээгийнхээ зочны өрөөнөөс цөл дэх уулын орой руу татагдан очсон тухайгаа өгүүлэх бөгөөд тэнд БУРХАНЫ дэргэд зогсож байсан гэдэгтээ итгэдэг байна. Тэр мөн дараа нь мэс заслын дараах нөхөн сэргээх тасагт сэрэхэд ямар хэцүү байсныг өгүүлнэ. (Кайл Раст YouTube суваг - Баярлалаа)