Дэлгэрэнгүй
Татаж авах Docx
Дэлгэрэнгүй уншаарай
Бид Бурхантай дахин холбогдмогц өдөр бүр гайхамшиг тохиолддог “Бид өөрсдийгөө Бурхантай дахин холбосны дараа амьдралд маань өдөр бүр гайхамшиг тохиолддог, бид гагцхүү зүгээр суугаад, Түүний юу хэлж байгааг сонсохыг л хичээх хэрэгтэй. Бидний хийх ёстой зүйл ердөө л энэ. Тиймээс үүнийг бясалгал, чимээгүй залбирал, Бурхан дээр төвлөрөн бясалгах гээд хүссэнээрээ нэрлэж болно. Энэ бол зөвхөн Бурхантай харилцах чимээгүй харилцаа бөгөөд ингэж бид амьдралдаа юу хийх ёстойгоо мэддэг. Үүний дараа бид дахин юунд ч огт санаа зовохгүй. Учир нь Бурхан биднийг бүхий л талаар халамжилдгийг бид мэднэ. Үүнээс өмнө, бүх зүйл жигд сайн болж байсан ч дараа нь буруудаж магадгүй гэж бид санаа зовсоор байдаг. Ямар нэг зүйл буруудахад бид хүлээж, ажиглана. Учир нь дараа нь Бурхан биднийг байх ёстой газарт маань, өөр нэгэн тийш хөтөлнө гэдгийг мэддэг, тиймээс л яагаад тэр зүйлс анхнаасаа буруу байсныг бид ойлгоно. Тиймээс бид амьдралынхаа хором бүрд, сэрүүндээ ч, унтаж байхдаа ч амар амгалан, аюулгүй байдалд, Бурханы хязгааргүй хайранд амьдардаг. Учир нь бүдүүн, болхи, хүнд энергийн түвшнийг ардаа, эсвэл доороо үлдээх сонголт бидэнд бий, мөн нэгэн зэрэг оршдог илүү дээд амьдралын түвшин рүү өгсөн дээшлэх сонголт ч бидэнд бий бөгөөд тэр нь дээд түвшний бүхий л сайн сайхныг гаргаж ирдэг.” Эзэн бол миний Хоньчин, надад дутах зүйл үгүй “Энэ нь бидний биеийн дотор оршдог гэсэн үг биш, гэхдээ бас оршдог. Энэ бол өөр нэгэн ертөнц, гэхдээ энэ материаллаг ертөнцийн гадна ч, дотор ч оршдог, хавьгүй дээр, хавьгүй жаргалтай бөгөөд бид үргэлж дээш доош явж чадна. Бид энэ ертөнцөд амьдрах боловч, бас нэгэн зэрэг Диваажинд баясаж чадна, эсвэл ядаж л өдрийн зарим үед, дараа нь илүү дадмаг болох үедээ байнга эдлэн баясаж чадна. Ингэж л бид ариун болдог. Учир нь бидэнд бүх зүйл байх тул бид юу ч хүсэхээ болино. Тэгээд бид Эзэн бол миний Хоньчин, надад дутах зүйл үгүй гэдгийг мэднэ. Учир нь Эцэгтэйгээ дахин холбогдсоны дараа агуу сэтгэл ханамж, агуу амар амгалан, агуу адис ивээл ирдэг. Тэр үед бид мөнгөтэй байлаа ч мөнгөнд хүлэгддэггүй. Бурхан тав тухтай байлгахаар бидэнд өгсөн бүхэн бидэнд байдаг, гэхдээ шаардлагатай бол бид тэднийг ч гэсэн орхиж чадна. Гэхдээ Бурхан биднийг тэгээсэй гэж хүсэхгүй. Бурхан биднийг энэ материаллаг амьдралыг ч, Диваажингийн амьдралыг ч нэгэн зэрэг эдлээсэй гэж хүсдэг. Хоёр ертөнц хоёулаа бидний гарт байна.” Чи суу алдрын үлгэр жишээ болох ёстой! “Би Бурханыг эрж хайж эхлэх үедээ, Түүнийг таньж эхлэх үедээ Эцгээс өөр юу ч надад хэрэггүй болсон мэт санагдсан учраас бүх зүйлээс татгалзсан. Тэгээд би Түүнтэй байгаадаа аз жаргалтай болсон. Би өөр юу ч хүсэхээ больсон. Гэтэл дараа нь Бурхан надад маш олон зүйлийг, миний хүсэж байсан бүхнийг, бүр хүсээгүйг минь ч өгөхийг хүссэн. Тэгэхэд нь би, ‘Яагаад? Надад тэд хэрэггүй.’ гэж хэлсэн. Би: ‘Эзэн минь, би хоолгүй ч байж чадна. Би уух юмгүй байж чадна, бас ямар ч тав тухгүй байж чадна. Би зөвхөн Таныг өдөр бүр харж л байвал болно. Надад өөр юу хэрэгтэй гэж?’ гэсэн. Тэр үед би өдөрт ганцхан удаа хооллож, хаашаа ч явсан авч явдаг гурван хос хувцас, нэг аяны хөнжилтэй л байсан. Гэвч Бурхан надад: ‘Үгүй ээ. Чи өөрчлөгдөх ёстой. Би чамд бүхнийг өгдөг гэдгийг чи дэлхийд харуулах ёстой. Чи Диваажинд ч, Дэлхий дээр ч суу алдрын үлгэр жишээ болох ёстой. Тэгж чамайг харж буй хүмүүс Намайг харж, Намайг өгөөмөр Эцэг гэдгийг мэдэх болно. Би бол Эцэг мөн, Би бүх хүүхдүүдээ халамжилдаг. Тэдэнд бүх зүйл байх болно гэдгийг мэднэ.’ гэсэн. Тэр Өөрийн хүүхдүүдэд бүхнийг өгнө. За. Би бага зэрэг тээнэгэлзсэн ч мэдээж, ‘За, Эцэг минь, тэгье. Таны айлдсан юу ч байсан би түүнийг хийнэ.’ гэсэн. Тиймээс тэр цагаас хойш Тэр надад тасралтгүй өгч, намайг арвин ихээр адисалсаар ирсэн, Түүний надад өгдөг бүхнийг би бүрэн хэрэглэж ч чаддаггүй. Надад эдгээр зүйлс байгаад би маш их баяртай байдаг. Би өөрт байгаа зүйлээ бусадтай хуваалцаж чадна.” Өөрсдийгөө Түүний Ивээлээр шинэчил “Бидний Эцэгийн зөв гэж би боддог. Надад мөнгө байх хэрэгтэй. Өнөө үед бүх зүйл ихээхэн хөгжиж, шинжлэх ухаанч болсон гэж бодъё. Тэгээд би та нар дээр ирэхийг хүсвэл тийз авах хэрэгтэй болно гэе. Би түүнийг та нараас гуйхыг хүсэхгүй. Би өөрөө мөнгөтэй байж, өөрөө худалдаж авах ёстой, энэ нь маш зөв. Мөн Бурхан бидэнд болон манай дэлхийд асар их, асар дэвшилтэт арга зам, цаг үеийг хайрласан. Тиймээс бид Түүний Ивээлээр өөрсдийгөө шинэчилж, тийнхүү цаг үеэ, дэвшилтэт дэлхийг даган амьдрах ёстой. Бурхан бидэнд хайрласан эдгээр шинэ бүтээл, шинэ тав тухыг ашиглахын тулд бидэнд материаллаг бие даасан байдал хэрэгтэй, мөн эдгээр шинжлэх ухааны шинэ нээлтүүдийг ахан дүүстээ мэдээ дамжуулахад ашиглах хэрэгтэй.” ‘Бурханы шууд холбогдох нь - Энх тайванд хүрэх зам мөр’ номыг дараах хаягаас үнэгүй татаж аваарай SMCHBooks.com Мөн англи, аулак (вьетнам) хэлээр хэвлэгдсэн номыг уншиж болно.
