Дэлгэрэнгүй
Татаж авах Docx
Дэлгэрэнгүй уншаарай
Бүгдээрээ Төгс Гэгээрсэн Их Багш Чин Хайн “Эрин Зууны хайр” номын “1-р хэсэг: Залуу нас ба Төрөлх Нутгаа гэсэн хайр”-аар үргэлжлүүлцгээе. Эхлээд “Тэр л Нэгэн Өдөр” шүлгийг толилуулъя. Энэ нь дайны зовлон бэрхшээл, уйтгар гунигийг өгүүлдэг. Үүний дараа Төгс Гэгээрсэн Их Багш Чин Хайн “Арга Билгийн тулаан” уран зургийн тайлбарыг толилуулах болно. Энэ зураг нь энэ ертөнцийн хуурмаг мөн чанар болон биднийг мөнхийн Үнэнд хөтөлж чадах гэгээрсэн Их Багшийг олохын ач холбогдлыг нарийвчлан харуулсан болно. 1-р хэсэг: Залуу нас ба төрөлх нутгаа гэсэн хайр Тэр л Нэгэн Өдөр (Ва Мот Нгэй) Бяцхан томоогүй цагийн хэрж хэссэн ой, Балчир ахуй үеийн сэлж өссөн гол, Бага хүүхэд насны бүгэж явсан урцаа эргэхээр Би нэг өдөр уулын царамнаа гарлаа. Тосгон даяараа дүрвэн нүүсэн аймшигт дайны үе сэн. Танхил охидоо харж хамгаалан аав ээжүүд чулуутай талбайд ажилладаг сан. Тэсрэх бөмбөг, тэнэсэн сумнаас Аглаг уулын сүрлэн урц л халхалдаг сан. Кассава өвсхөнөөр гол зогоож, аяга хүрэхгүй будаагаар амь тээдэг сэн. Шөнөжин тэсгим агаар хүйт дааж, айдас нэмж ирвэс, барс эргэлддэг сэн! Цайвар саран тэртээгээс гийгүүлж, Цахирмаа цэцэг энэтээгээс үнэртдэг сэн. Амар амгалан тэртээх өдрүүд шиг Азарган тахиа эртлэн донгоддог сон! Энд л би анд олон найзынхаа хамт аагим зуны нарнаас үе үехэн хорогддог сон. Энд л бид ногоохон мөчирсийн доор амтат шаргал төмсөө эн тэнцүү хуваадаг сан. Танхи бага нас минь өнөө улиран одож, Төрөлх нутаг усанд минь энх тайван тогтножээ. Гэвч гүн гүнзгий холбоо тасарч, асуулт асуусан голоор зааглагджээ!... Энхэр бага насаа дурсаад энэ л өдөр уулнаа гарлаа. Дайны дурсамж хүүрнэн найгах Тэр л уулын моддыг ширтлээ!...”. Төгс Гэгээн Багш Чин Хайн уран зураг: “Арга Билгийн Тулаан” “Энэ зураг дээр хоёр эрэгтэй хүн хуурмаг хорвоогийн цалманд буй хүмүүн чанарын арга ба билгийн хүчний этгээд дүрд тоглон байх ажээ. Тиймээс тэд эерэг сөрөг, бодит хуурамч талуудын халз тулаанд амь өрсөн орооцолдож орхиж. Тулаанд улайрсаар тэд өөр хоорондын ялгаагаа эвсүүлэн найрсаж, хамтын хүчээр эргэн тойрон шатаж буй галаар дүрслэгдсэн эгэл хорвоогоос зайлж чадна гэдгээ ухаарсангүй. Хүйтэн хөндий эмэгтэй (Чөтгөрийн хааны зэвсэг) их л ёжлонгуй, “Та нар миний хяналтад байна. Та нараар наадъя гэсэн ч хорвоогийн бүхий л цаг хугацаа миний гарт байна. Яарах хэрэг юун. Яаралгүй наад галдаа аажуухан шарагд! Энэ зовлонд зугуухан баяс!” гэж хэлэхийг тэд анзаарах сөхөөгүй харагдана! (Жич: Төгс Гэгээрсэн Их Багшийн зурсан зургийн цаадах дэвсгэр дээр намдуу бүүдгэр бөгөөд маш удаанаар дүрэлзэж буй гал дүрслэгджээ.) Энэхүү зураг хачин бодитой мэт санагдах энэ хуурмаг хорвоод татагдахгүй байхыг бидэнд сануулдаг. Төгс гэгээрсэн Их багшийн замчлал дор сүнслэг бясалгалыг дадуулах нь эгэл харанхуй хорвоогийн чанадад хүрч, эрхэм үүрдийн Үнэнг олох цор ганц арга зам мөн бөлгөө”. Дараагийн хэсэг, бид Төгс Гэгээрсэн Их Багш Чин Хайн “Эрин Зууны хайр” номын “Хэсэг 2: Хамаг төрөлтнийг хайрлах хайр”-ыг толилуулж байгаадаа баяртай байна. “Гөлөгний үг” шүлэг нь бидний тэжээвэр амьтан андуудын биднийг тэднийг асран хамгаалагчдыг хэрхэн хайрладгийг харуулдаг. “Тахианы үг” шүлэгт амьтан-хүний үр төлийнхөө хайр, амар тайван амьдралын төлөөх талархал, хүмүүс тэднийг идэхийн тулд нядлах үед тэдний мэдэрдэг өвдөлт, шаналлыг харуулдаг. Хэсэг 2: Хамаг төрөлтний төлөөх хайр Гөлөгний Үг (Лой Чу Вен) “Би бол зүгээр л нэг балчирхан гөлөг, миний сэтгэл гэвч хайраар бялхан байна. Би бүхий л амьдрал, үнэн хүслээрээ манаж таныгаа хамгаалахад бэлээн. Эгэлхэн амьдралыг минь тэтгэж, надад сэрүүцүүлэх ундаа, амтат хоол, зөөлөн гудас болон тав тухтай хөнжил өгсөн өгөөмөр сэтгэлд тань баярлалаа. Амьдралын шүтээн, авралт их багш минь болж, алдрай зүрхэнд минь та л ганцаар оршино. Өдөр болгон таныгаа хаалганы дэргэд хүлээж, шөнө бүхэн тайван нойрсохыг нь харуулдана. Сэтгэл минь тань руу үргэлж тэмүүлнэ, Нүд минь тань руу үүрд ширтэнэ. Гар тань юутай зөөлөн, юутай аятай, Оршихуйг минь гэрэлтүүлээч! Тандаа хайртайгаа би хэрхэн ойлгуулах билээ! Таныхаа эзгүй үед би хөсөр орхигдсон мэт ээ. Таныгаа би үүрд хайрлана. Хэрэв би таны оронд байсан бол, би үхэх ёстой байсан. Хэрэв би таны оронд байсан бол, би үхэх ёстой байсан. Эцэст нь би баяртайгаар инээмсэглэсээр л байх байсан... Таныгаа би үүрд хайрлана. Таныгаа би хэчнээн их хайрлана вэ! Тахианы үг (Лой Га Май) “Өглөө босоод би хөндий талыг зорино, Өндийж зогсоод уул устайгаа мэндэлнэ. Цайлган гэнэн дэгдээхэйнүүдээ дагуулан Цөөрмийн усанд умбан шумбана. Ээжийнхээ араас дэгэн дэгсээр шижир өнгийн балчир сөдөө дэрвүүлэх энхэр үрсийн минь эрэвгэр нүд шошийн үр мэт юутай хөөрхөн! Эрдэнэ шиш, үр тариа өгсөн хүмүүн ямар ачтай! Эргэх хоногийн урсгалд бидэн санаа амар, азтай. Тунгалагхан ус, тунсагхан модод, тун ногоохон өвс сэвшээ салхинаа аятай. Тэнгэр хөхөрч, үүлс хөвөрч, горхи урсана л… Аяа, амьдрал гэгч мөрөөдлийн үлгэр мэт ээ. Амар амгалан өдрүүдийг бидэнд заяасан бүтээгч Бурхан тандаа талархъя! Гамшиг гэтэл дайрч, гай гэнэт ирэв. Тоос хадаан үймж, тор дээрээс нөмрөв. Ган хутганы ир гялс хийн үзэгдэж, Түнэр улаан цус чимээ анирлан урсав. Энэлж үлдсэн үрсээ гэхээс эхийн нь сэтгэл эмтэрч байна! Наминчлан гуйя… үрсийг минь… хайрлаач… Намайг яах вэ… тэднийг минь… энэрээч! “Эрин Зууны хайр” номыг үнэгүй татаж авах боломжтой ба SMCHBooks.com мөн Аулак (Вьетнам), Англи, Франц, Герман, Солонгос, Испани, Монгол хэл дээр хэвлэгдсэн.
